ءدىني تۇراقتىلىقتى ساقتاۋ ماقساتىندا كەنتاۋ قالاسى اكىمدىگى جانىنداعى ءدىني بىرلەستىكتەرمەن بايلانىستار جونىندەگى كەڭەس وتىرىسى توقسان سايىن وتكىزىلىپ، كوميسسيا مۇشەلەرى ءدىني باعىتتا اتقارىلعان جۇمىستارعا توقتالىپ، شەشىلمەگەن ماسەلەنىڭ كۇرمەۋىن شەشۋدىڭ جولىن قاراستىرادى.

جىل باسىنان بەرى وتكىزىلگەن كەنتاۋ قالاسى اكىمدىگى جانىنداعى ءدىني بىرلەستىكتەرمەن بايلانىستار جونىندەگى كەڭەس وتىرىسىندا (12.02.16 ج.، 27.06.16 ج.) ءدىني سەنىم بوستاندىعى مەن مەملەكەتتىك زايىرلىلىق پرينتسيپتەرىنىڭ ساقتالۋى، قازاقستاندىق پاتريوتيزم مەن بىرتەكتىلىكتى قالىپتاستىرۋ ماسەلەلەرى تۋرالى، وزگە ءدىني اعىمداعى مەكتەپ وقۋشىلارى جانە ولاردىڭ اتا-انالارى، دەسترۋكتيۆتى اعىمنىڭ جاقتاستارىمەن جۇرگىزىلگەن جۇمىستار، ءدىني تۇراقتىلىقتى ساقتاۋ ماقساتىندا جۇرگىزىلگەن ساۋالنامانىڭ قورىتىندىسى، مەكتەپتە ورامال تاعاتىن قىزدارمەن جاسالعان جۇمىستار، ولاردىڭ نەلىكتەن ورامال تاققانىنا تالداۋ جۇرگىزۋ، ارناۋلى وقۋ ورىندارىندا ءدىني تۇراقتىلىقتى ساقتاۋ ماقساتىندا جاستارمەن جۇرگىزىلگەن جۇمىستار جانە وزگە دىندە جۇرگەن جاستار تۋرالى ماسەلەلەر كوتەرىلدى.

ءدىن سالاسىنداعى تۇراقتىلىقتى قامتاماسىز ەتۋ ماقساتىندا جىل باسىنان بەرى قالالىق اقپاراتتىق تۇسىندىرمە توبى اۋىل تۇرعىندارىمەن، مەكتەپ وقۋشىلارىمەن، ارناۋلى وقۋ ورىندارىنىڭ ستۋدەنتتەرىمەن ءدىني ەكسترەميزمنىڭ الدىن الۋ بويىنشا 40 كەزدەسۋ وتكىزدى. اقپاراتتىق-ناسيحاتتاۋ توبىنىڭ وتكىزگەن بۇل كەزدەسۋلەرىنىڭ ماقساتى - راديكالدى ءدىني يدەولوگيانىڭ جانە باسقا تەرىس پيعىلدى كوزقاراستاردىڭ ىقپالىنا ۇشىراماعان تۇرعىندار، اسىرەسە جاستار اراسىندا تاعاتتى سانا مەن پاتريوتتىق سەزىمدەرىن نىعايتۋ، سونداي-اق بۇرمالانعان ءدىني كوزقاراستاردىڭ قالىپتاسۋىن الدىن الۋ بولىپ تابىلادى.

Abai.kz