اۋىر اتلەتيكادان ايەلدەر اراسىنداعى سىندا قازاقستاندىق اۋىر اتلەت جازيرا جاپارقۇل 69 كەلى سالماق دارەجەسىندە وليمپيادانىڭ كۇمىس جۇلدەگەرى اتاندى.

ول قوس سايىس ەسەبى بويىنشا 259 كەلىنى كوتەرىپ، قازاقستان قورجىنىنا ەكىنشى كۇمىس مەدەلدى سالدى.

بۇل سالماق دارەجەسىندە وليمپيادا التىنى قىتايلىق اتلەتكە بۇيىردى. ال وليمپيادانىڭ قولا مەدەلىن 18 جاستاعى مىسىر سپورتشىسى ساراح احماد ەنشىلەدى. ساراح بارلىعى 255 كەلىنى كوتەرگەن.

سونىمەن، جازيرا جاپارقۇل سپورتتىڭ وسى تۇرىندە وليمپيادا تۇعىرىنا كوتەرىلگەن تۇڭعىش قازاق قىزى اتاندى.

دودا باستالاردان بۇرىن قازاقستاننىڭ اۋىر اتلەتيكادان ۇلتتىق قۇراماسىنىڭ باس باپكەرى الەكسەي ني جازيرانىڭ مىندەتتى تۇردە وليمپيادا جۇلدەسىن الاتىنىن ايتقان ەدى.

باق-قا سۇحبات بەرگەن ني: "بۇگىن بىزدەن ءبىر التىن، ءبىر كۇمىس كۇتىڭىزدەر. مەدال مىندەتتى تۇردە بولادى" دەگەن ەدى. ءنيدىڭ سول ايتقانىن، بۇگىن جازيرا جاپارقۇل دالەلدەدى. الەم چيمپيوناتىنىڭ ەكى دۇركىن كۇمىس جۇلدەگەرى جازيرا جاپارقۇل ەندى وليمپيادانىڭ دا كۇمىس جۇلدەگەرى اتاندى. 

جەڭىس تۇعىرىنا كوتەرىلگەن جازيرا قۋانىشىن ءبولىسىپ جاتقاندا، ورىسشا سويلەپ بەرۋىن سۇراعان تىلشىگە ء"اي، ورىسشا ايتپايمىن" دەپ ءوزىنىڭ مەملەكەتتىك تىلگە دەگەن قۇرمەتىن دە كورسەتە كەتتى.    

نۇرزات توعجان

اباي اقپارات