وڭتۇستىكتىڭ مەملەكەتتىك قىزمەتشىلەرى الەۋمەتتىك جەلىنى پايدالانۋدى ۇيرەنۋدە. وسىعان وراي وبلىس اكىمدىگىنىڭ «قوعامدىق كەلىسىم» مەكەمەسىندە «الەۋمەتتىك جەلىنىڭ ارتىقشىلىقتارى مەن كەمشىلىكتەرى. ونى ءتيىمدى پايدالانۋ جولدارى» تاقىرىبىندا سەمينار-ترەنينگ ۇيىمداستىرىلدى، دەپ حابارلايدى وقو اكىمىنىڭ ءباسپاسوز قىزمەتى.

سەمينارعا بارلىق اۋدان، قالالىق جاستار رەسۋرستىق ورتالىعىنىڭ باسشىلارى مەن الەۋمەتتىك جەلىگە جاۋاپتى ماماندارى، الەۋمەتتىك جەلى بەلسەندىلەرى قاتىستى. جيىندا الەۋمەتتىك جەلىنىڭ جاستار اراسىندا كەڭىنەن تارالىپ، ماڭىزدى ءرول الۋىنا بايلانىستى مەملەكەتتىك مەكەمەلەردە جاڭالىقتار مەن حابارلاندىرۋلاردىڭ جەدەل جەتۋىن جانە اقپاراتتىق قاۋىپسىزدىكتى جەتىلدىرۋ، ارتىقشىلىقتارى مەن كەمشىلىكتەرىن ءتۇسىندىرۋ، ونى ءتيىمدى پايدالانۋ جولدارى ناسيحاتتالدى. اقپاراتتار اعىنى تاسقىنداعان زاماندا ءاربىر الەۋمەتتىك جەلىنى قولدانۋشى قوعام الدىنداعى جاۋاپكەرشىلىگىن سەزىنۋى كەرەگى ايتىلدى.

مەملەكەتتىك مەكەمەلەردىڭ الەۋمەتتىك جەلىدە اقپارات تاراتۋ بەلسەندىلىگىنىڭ رەيتينگىن قۇرۋ جانە جانە klout سايتى تۋرالى بەلگىلى بلوگەر، وقو جۋرناليستەر مەن بلوگەرلەر كلۋبىنىڭ مۇشەسى اسحات شوتاەۆ ءسوز قوزعاپ، جەلىلەردە جازبالاردى قاي ۋاقىتتا جاريالاۋ كەرەگى مەن پايدالانۋشىلاردى تارتۋ، ونى بولىسۋگە ىنتالاندىرۋ، كوپ لايك جيناۋ مەن پىكىر جازۋعا قىزىقتىرۋ سىندى ءتيىمدى تۇستارعا توقتالدى.

ايتا كەتۋ كەرەك، جىل باسىنان بەرى، وبلىستىق جاستار رەسۋرستىق ورتالىعى جوعارى جانە ورتا ارناۋلى 22 وقۋ ورنى مەن 5 اۋدان، قالا ورتالىعىندا جاستارعا ارناپ ءدال وسى تاقىرىپتا سەمينار-ترەنينگتەر وتكىزدى. اتالمىش شارا الداعى ۋاقىتتا دا جالعاسىن تاباتىن بولادى.

Abai.kz