وڭتۇستىك قازاقستاندا الەۋمەتتىك جەلى قولدانۋشىلارى اراسىنداعى ۇزدىك جازبالار بويىنشا «قازىنالى وڭتۇستىك» وبلىستىق بايقاۋى جاريالاندى. بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق ىشكى ساياسات باسقارماسىنىڭ باسشىسى ب.تولەگەن حابارلادى. ءباسپاسوز جيىنىنا وقو اكىمى ءباسپاسوز قىزمەتىنىڭ جەتەكشىسى ن.جەڭىسبەك پەن قر جۋرناليستەر وداعىنىڭ وقوف ءتورايىمى ا.قاپباروۆا قاتىستى.

وبلىسىمىزدىڭ الەۋمەتتىك-ەكونوميكالىق جانە مادەني دامۋىن، تاريحي ەرەكشەلىگىن، تۋريستىك جانە ينۆەستيتسيالىق الەۋەتىن ناسيحاتتايتىن اقپاراتتىق ماتەريالدار جاريالاۋ ارقىلى وڭتۇستىك ءوڭىرىنىڭ ءيميدجىن قالىپتاستىرۋدى ماقسات تۇتقان شارادا وڭتۇستىكتىڭ بەينەسىن ءبىر تاڭباعا سىيدىراتىن «ON» ۆيزۋالدىق برەندىن ناسيحاتتاۋ، جاڭا لوگوتيپ ارقىلى ولكەمىزدىڭ تانىمالدىلىعىن ارتتىرۋ دا كوزدەلگەن.

كەز كەلگەن الەۋمەتتىك جەلى قولدانۋشىلارى مەن جۋرناليستەر، بلوگەرلەر، ونىڭ ىشىندە اۆتورلىق ۇجىمدار قاتىسا الاتىن بايقاۋدا ۇزدىك جازبالار ON: «شەجىرەلى وڭتۇستىك»، ON: «بىرلىگى جاراسقان – وڭتۇستىك»، ON: «وڭتۇستىك مادەنيەتى»، ON: «وڭتۇستىك ءتۋريزمى»، ON: «باسەكەگە قابىلەتتى ءوڭىر»، ON: «وڭتۇستىك ءونىمى»، ON: «وڭتۇستىكتىڭ ونەگەلى تۇلعالارى»، ON: «ەڭبەكقور حالىق»، ON: «قوناقجايلى وڭتۇستىك» جانە ON: «وڭتۇستىكتىڭ سپورت ساڭلاقتارى» سىندى ون اتالىم بويىنشا انىقتالادى.

«بايقاۋعا قاتىسۋشىلار جازبالارىن ۇسىنىلعان ون نوميناتسيانىڭ ءبىر عانا اتالىمى بويىنشا قاتىسۋعا جانە الەۋمەتتىك جەلىدەگى Facebook, ۆكونتاكتە، Instagram پاراقشالارىنىڭ بىرىندە جاريالاۋعا قۇقىلى. سونداي-اق، ۇمىتكەرلەر تاقىرىپقا سايكەس جازبالاردى الەۋمەتتىك جەلىدەگى پاراقشاسى مەن ارنايى «وڭتۇستىكتە نە حابار؟» توبىنا جاريالاۋى ءتيىس. ال جاريالانعان ماتەريالداردىڭ ءبىرىنشى فوتوسى «ON» فوتوسۋرەتى جانە تاقىرىپقا سايكەس فوتو جۇكتەلۋى قاجەت. فوتونىڭ استىڭعى وڭ جاعىندا «وN_Brand» حەشتەگتىڭ بولۋى شارت»، - دەدى ب.تولەگەن.

ءباسپاسوز ءماليحاتىندا بەلگىلى بولعانداي، بايقاۋعا قاتىسۋشىلار جازبالارىن ءاربىر بەس كۇندە جاريالاپ، بايقاۋ مارەسىنە دەيىن 25 جاريالانىمعا جەتكىزۋى شارت. بۇگىننەن باستالعان جۇمىستار وسى جىلدىڭ 5 جەلتوقسانىنا دەيىن قابىلدانادى. مەملەكەتتىك جانە رەسمي تىلدە قابىلداناتىن جاريالانىمدار الەۋمەتتىك جەلىلەردە نەمەسە بلوگ-تۇعىرلامالاردا كوپ داۋىس جيناعانى، ەڭ كوپ ۇناتىلعانى (لايك), ەڭ كوپ بولىسىلگەنى (رەپوست) ارقىلى باعالانادى. ال جۇزدەن جۇيرىك شىققاندار تاۋەلسىزدىك كۇنى قارساڭىندا 10 اتالىم بويىنشا ماراپاتتالىپ، قارجىلاي سەرتيفيكات تابىس ەتىلەدى. جالپى جۇلدە قورى 2 500 000 تەڭگەنى قۇرايدى.

بايقاۋعا قاتىسۋ ءۇشىن وتىنىمدەر مەن ماتەريالدار 247548ح@gmail.com ەلەكتروندىق پوشتاسىنا نەمەسە شىمكەنت ق. ء«نۇرسات» شاعىن اۋدانى، اكىمشىلىك ىسكەرلىك ورتالىعىندا ورنالاسقان وقو ىشكى ساياسات باسقارماسىنا جىبەرىلۋ قاجەت. قوسىمشا مالىمەتتەر ءۇشىن 8 (7252) 24-75-48 بايلانىس نومىرىنە حابارلاسۋعا بولادى.

Abai.kz