جەرگىلىكتى كاسىپكەرلەردىڭ ءبىرىنىڭ ايتۋىنشا، جينالىستى شىلدەنىڭ اياعىندا ۇقق باسشىسى باحروم اكا وتكىزگەن. "ول كاسىپكەرلەردى قولما-قول اقشانى از وتكىزدىڭدەر دەپ سوكتى، نامىسىنا تيەتىن سوزدەر ايتتى. مىسالى، ول "ۆيسول" مەيرامحاناسىنىڭ قوجايىنى زافار اكانى تۇرعىزىپ قويىپ، وعان قوقان-لوقى كورسەتتى. زارەسى ۇشقان كاسىپكەر قازىر تانىستارىنان قولما-قول اقشا جيناپ ءجۇر", - دەدى ول.

باسقا دا كاسىپكەرلەردىڭ ايتۋىنشا، ولارعا اي سايىن بانككە 6 ميلليون سوم (930 دوللار) وتكىزۋ تاپسىرىلعان. ء"بىز كۇنىنە 100-150 مىڭ سوم (15-23 دوللار) ازەر تابامىز. مۇعالىمدەر مەن زەينەتكەرلەردە پلاستيك كارتوچكا بار. تالاپ ەتىلگەن اقشا بىزدە جوق", - دەدى كاسىپكەر.

حالىق بانكتىڭ شەراباد اۋداندىق بولىمشەسىنىڭ قىزمەتكەرى جەرگىلىكتى ارنايى قىزمەتكە قولما-قول اقشا جيناۋدى باقىلاۋ تاپسىرىلعانىن راستادى.

اباي-اقپارات