قازاقستاننىڭ تانىمال بالۋان قىزى وتگونتسەتسەگ گالبادراح تۋرالى نە بىلەسىز؟ ونىڭ موڭعوليانىڭ دزيۋدو قۇراماسىنداعى ەڭ تاڭداۋلى سپورتشىلاردىڭ ءبىرى بولعانىن، 5 جىلدان بەرى تەك ءبىر عانا سالماقتا (48 كەلى) ونەر كورسەتەتىنىن، الەم كۋبوگىنىڭ كۇمىس جانە قولا مەدالىنىڭ يەگەرى ەكەنىن، «ۇلكەن دۋلىعانىڭ» ەكى رەتكى كۇمىس مەدال جۇلدەگەرى بولعانىن، ەۋروپا كۋبوگىنىڭ كۇمىس جانە قولا مەدالىن جەڭىپ العانىن، سونىمەن قاتار كوپتەگەن ءىرىلى-ۇساقتى سايىستاردىڭ قاتىسۋشىسى ەكەنىن بىلەسىز بە؟ ۆaq.kz سايتى سپورتشى قىزعا قاتىستى باسقا دا قىزىقتى مالىمەتتەردى ۇسىنىپتى.

ول 1992 جىلى قاڭتاردىڭ 25-ىندە موڭعوليا استاناسى ۇلان-باتىر قالاسىندا تۋعان. وتباسىنىڭ تۇڭعىشى. اكەسى، اناسى جانە ءىنىسى بار. ءىنىسى دە اپكەسىنىڭ ءىزىن قۋىپ دزيۋدو كۇرەسىمەن اينالىسادى. ءتىپتى، موڭعوليانىڭ ماڭداي الدى سپورتشىلارىنىڭ ءبىرى دەۋگە بولادى. وتگونتسەتسەگتى ىنىسىمەن بىرگە ءبىر جاتتىقتىرۋشى دايىندايدى.

2008 جىلدان باستاپ دزيۋدومەن اينالىسا باستاعان قىز، العاشقىدا بۇل سپورتتى قىزىعۋشىلىق ءۇشىن عانا باستاعان. كوپ ۇزاماي-اق جىگەرلى قىزدىڭ ومىرلىك ۇستانىمىنا اينالعان سپورتتىڭ بۇل ءتۇرى ونىڭ الداعى جەتىستىكتەرىنە جول اشتى. بۇل تۋرالى ءبىر سۇحباتىندا وتگونتسەتسەگدىڭ ءوزى دە ء«ومىرىمدى دزيۋدوسىز ەلەستەتە المايمىن، ءبىز بولىنبەس ءبىر تۇتاس الەمگە اينالدىق. دزيۋدو – مەنىڭ ءومىرىمنىڭ ءمانى» دەگەنى بار.

كوركەم گيمناستيكانى تاماشالاۋعا قۇشتار قىزدىڭ ءومىرى دە كوركەم.

ول قازاقستان ازاماتتىعىن الۋىنا بايلانىستى الەمدىك رەيتينگتەگى بارلىق جەتىستىكتەرى كۇشىن جويعان بولاتىن. ول بۇعان دەيىن رەيتينگتە ءۇشىنشى ورىندا تۇرعان. بارلىعىن قايتا باسىنان باستاعان ارۋ بۇگىندە ءوزىنىڭ جەرلەسى موڭعوليالىق ۋرانتسەتسەگ ءمونحباتتان كەيىنگى ەكىنشى ورىنعا تۇراقتادى.

وتكەن جىلى عانا جاتتىقتىرۋشىسى د.ەنحبااتارمەن بىرگە ەلىمىزگە قونىس اۋدارعان سپورتشى ءبىر جىلدىڭ ىشىندە وتە جوعارى دارەجەدەگى ناتيجە كورسەتە ءبىلدى.

الەم كۋبوگى:

قولا - (2011)

كۇمىس - (2012)

«ۇلكەن دۋلىعا»

قولا – (2016)

كۇمىس – ەكى رەت (2013),

جەڭىمپاز – (2016)

ەۋروپا كۋبوگى:

كۇمىس - (2013),

دزيۋدو گران-ءپريى:

قولا – سەگىز رەت (2012, 2014, 2015, 2016)

كۇمىس – ءۇش رەت (2013, 2016)

جەڭىمپاز – ءتورت رەت (2014, 2015, 2016).

ازيا چەمپيونى: (2016)

وليمپيادانىڭ قولا مەدال يەگەرى – (2016) ريو وليمپياداسى.

Abai.kz