«نۇرلى جول» باعدارلاماسىنىڭ اياسىندا 2015-2019 جىلدارى وڭتۇستىك قازاقستان وبلىسىندا مىڭنان استام پاتەر قۇرىلىسى جۇرگىزىلەتىن بولادى. بۇل جونىندە وبلىس اكىمدىگى مەن «قازاقستاننىڭ تۇرعىن ءۇي قۇرىلىس بانكى» اراسىنداعى ءوزارا ارىپتەستىك جونىندەگى مەموراندۋم بارىسىندا اتاپ كورسەتىلدى. ماڭىزدى قۇجاتقا وبلىس اكىمى ب. اتامقۇلوۆ جانە «قازاقستاننىڭ تۇرعىن ءۇي قۇرىلىس بانكى» اق باسقارماسىنىڭ توراعاسى ا. جۇماعۇلوۆ قول قويدى. 

ايتا كەتەيىك، وڭىردەگى تۇرعىن ءۇي قۇرىلىسىن جۇرگىزۋگە ۇلتتىق بانك قازىناسىنان 4,4 ميلليارد تەڭگە قارجى بولىنگەن. بۇل قاراجاتقا 558 پاتەرلى 11 تۇرعىن ءۇيدىڭ قۇرىلىسىن سالۋ كوزدەلگەن. بۇدان بولەك، «بايتەرەك دەۆەلوپمەنت» كومپانياسى 432 پاتەرلى 6 كوپقاباتتى تۇرعىن ءۇي قۇرىلىسىن قولعا الماق.

ەكىجاقتى ىسكەرلىك كەزدەسۋ بارىسىندا «قازاقستاننىڭ تۇرعىن ءۇي قۇرىلىس بانكى» اق وكىلدەرى Shymkent-city قۇرىلىسىنىڭ جوباسىنا قىزىعۋشىلىق تانىتتى. بۇگىندە قالانىڭ سولتۇستىك اۋماعىنداعى كەلەشەكتەگى ىسكەرلىك جانە تۇرعىن ءۇي ورتالىعىندا ينجەنەرلىك-كوممۋنيكاتسيالىق جۇيەلەر جۇرگىزىلۋدە. «قازاقستاننىڭ تۇرعىن ءۇي قۇرىلىس بانكى» اق باسقارماسى توراعاسىنىڭ ايتۋىنشا، مۇنداعى جاسالعان وڭتايلى جاعدايلار ء«وز ءۇيىم» باعدارلاماسى اياسىندا تۇرعىن ءۇي قۇرىلىسىن جۇرگىزۋگە قولايلى مۇمكىندىك بەرەدى. بۇل باعىتتا شىمكەنت قالاسى اكىمدىگىمەن جانە قارجى ينستيتۋتتارىمەن مەموراندۋمعا قول قويىلعان.

ءوز كەزەگىندە، وبلىس اكىمى ب. اتامقۇلوۆ باسقارما باسشىلىعىنا جوباعا كورسەتكەن لايىقتى قولداۋى ءۇشىن شىنايى العىس سەزىمىن جەتكىزدى. سونداي-اق، كەلەشەكتە Shymkent-city – ىڭعايلى تۇرمىس پەن ساۋلەت ونەرىنىڭ وزىق ۇلگىلەرىن پاش ەتكەن ورتالىق رەتىندە قالىپتاساتىنىن، وندا تۇرعىندار وزدەرىن قاۋىپسىز ءارى باقىتتى سەزىنە الاتىنىنا كامىل سەنىمدى ەكەنىن ايتتى.

Abai.kz