بيىلعى جىل كەنتاۋ قالاسى ءۇشىن اۋقىمدى جۇمىستار جىلى بولۋدا.

ماسەلەن، كەنتاۋ قالاسى مەن شاھارعا قاراستى اۋىلداردا ءبىلىم سالاسىنىڭ مەكەمەلەرى تولىقتاي جوندەۋ جۇمىستارىن جۇرگىزىپ جاتىر. اسىرەسە، ونداعى اششىساي اۋىلىنىڭ ەكى بىردەي ءبىلىم وشاعى، مادەنيەت سارايى جانە سپورت عيماراتى تولىقتاي جوندەلىپ، ساياباقتار رەتكە كەلتىرىلسە، قانشاما جىلدان بەرى جوندەۋ جۇمىسىن كورمەگەن كوشەلەرگە اسفالت توسەلدى. بۇل تۋرالى «Abai.kz» پورتالى كەنتاۋ قالاسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ال حانتاعى اۋىلىنىڭ قوس مەكتەبىنە قۇرىلىس جۇمىستارى جۇرگىزىلىپ، جاڭارۋ ۇستىندە. مۇنان بولەك، اتالعان اۋىلدىڭ ەكى بىردەي كوشەسىنە اسفالت توسەلىپ، ءۇش كوشەگە جاياۋ جۇرگىنشىلەر جولى سالىنىپ جاتىر.

قالاعا قاراستى ءۇشىنشى اۋىل - قارناق وڭىرىندە 50 جىلدان استام ۋاقىت تاس جولدا جۇرگەن اۋىل تۇرعىندارى ەندى تەگىس اسفالتتەلگەن جولدا قاتىناۋدى باستادى.

سونىمەن قاتار، كەنتاۋدىڭ بايىلدىر اۋىلىندا دا جاڭا وقۋ جىلىندا جاڭا مەكتەپتىڭ ەسىگى ايقارا اشىلماق.

اتالمىش يگى ىستەر مەملەكەتتىك باعدارلامالار اياسىندا جۇزەگە اسىپ، شالعاي اۋىلدارعا شاراپاتى تيۋدە.

دەرەككوزى: كەنتاۋ قالاسى اكىمىنىڭ ءباسپاسوز قىزمەتى  

Abai.kz