بۇل تۋرالى وبلىستىق مادەنيەت باسقارماسى باسشىسىنىڭ ورىنباسارى اسىلحان تەمىرحان وقو ايماقتىق كوممۋنيكاتسيالار قىزمەتىندە وتكەن بريفينگتە حابارلادى. تاۋەلسىزدىك جىلدارىنداعى جەتىستىكتەرگە توقتالعان باسشى ورىنباسارى شيرەك عاسىرلىق مەرزىم ىشىندە وبلىستا 730 مادەنيەت جانە ونەر مەكەمەلەرىنىڭ سالىنىپ، يا بولماسا قايتا جاڭارىپ، حالىققا مادەني قىزمەت كورسەتىپ جاتقانىن جەتكىزدى. ونىڭ 423-ءى كiتاپحانا بولسا، 254-ءى كلۋب مەكەمەسى، 25 مۋزەي، 1 كوركەمسۋرەت گالەرەياسى، 8 كاسىبي تەاتر، 2 كينوتەاتر، 8 ساياباق، 3 ورتالىق، 1 وبلىستىق فيلارمونيا، 1 «وڭتۇستىكفيلم» مەكەمەسى، 1 «وڭتۇستىك-تسيرك» مەكەمەسى، 1 «تۇركىستان سارايى»، 1 كورمە ورتالىعى جانە 1-ءۋى زووباق.

«1991 جىلدارى ەلىمىزدىڭ تاۋەلسىزدىك الىپ، نارىقتىق ەكونوميكاعا ءوتۋى - مادەنيەت سالاسىنا دا كەرى اسەرىن تيگىزدى. قارجىلاندىرۋدىڭ جەتكىلىكسىزدىگىنەن جانە جەكەشەلەندىرۋگە بايلانىستى مادەنيەت جانە ونەر مەكەمەلەرى جابىلا باستادى. الايدا، ەلباسىمىز ن.ءا.نازارباەۆ 2000 جىلدى «مادەنيەتتى قولداۋ» جىلى دەپ جاريالاۋىنا بايلانىستى مادەنيەت سالاسىنا ءتيىستى قارجى كوزدەرى قاراستىرىلىپ، جابىلعان مادەنيەت وشاقتارى كەزەڭ-كەزەڭىمەن قالپىنا كەلتىرىپ، قايتا اشۋ جۇمىستارى جۇرگىزىلدى»، - دەدى ا.تەمىرحان.

تاۋەلسىزدىك جىلدارى وبلىستا 4 تەاتر ەلباسىمىز ن.ءا.نازارباەۆتىڭ قاتىسۋىمەن اشىلدى. ش.قالداياقوۆ اتىنداعى وبلىستىق فيلارمونياعا جاڭا عيمارات سالىنىپ، ەل يگىلىگىنە بەرىلدى. مۇنان بولەك، رەسپۋبليكادا ءۇشىنشى بولىپ «وڭتۇستىك-تسيرك» مەكەمەسى اشىلدى. كەڭەس داۋىرىندە كينوپروكات قىزمەتىن اتقارعان مەكەمە «وڭتۇستىكفيلم» مەكەمەسى بولىپ قايتا قۇرىلىپ، جىل سايىن 250-گە جۋىق دەرەكتى فيلمدەر مەن بەينەماتەريالدار دايىنداپ، جاستار مەن بالالارعا كينو كورسەتىلىمدەر جانە كينو فەستيۆالدەر ۇيىمداستىرىپ كەلەدى.

سونىمەن قاتار، باسقارما باسشىسىنىڭ ورىنباسارى «مادەني مۇرا» مەملەكەتتىك باعدارلاماسى اياسىندا تۇركىستان قالاسىنداعى وبلىستىق تاريحي-مادەني-ەتنوگرافيالىق ورتالىقتىڭ، رۋحانيات-ءابۋ-ناسىر ءال-فارابي، حاكىم اباي، ەرلىك، بەينەلەۋ ونەرى مۋزەيى جانە ادەت-عۇرىپ جانە سالت-ءداستۇر، تاريحي-مادەني مۇرانى قورعاۋ، قالپىنا كەلتىرۋ جانە پايدالانۋ جونىندەگى ورتالىقتارىنىڭ اشىلىپ، وبلىستىق تاريحي-ولكەتانۋ مۋزەيىنىڭ جاڭا عيماراتى سالىنعانىن، ەلباسىمىزدىڭ قاتىسۋىمەن ءتۇرلى بايقاۋ-فەستيۆالدەر، كونتسەرتتەر ۇيىمداستىراتىن 1300 ورىندىقتى «تۇركىستان» سارايى اشىلعانىن ەسكە سالدى.

وسىناۋ جىلدار ىشىندە قازىرگى زاماننىڭ ەستەتيكالىق تالابىنا ساي حالىق شىعارماشىلىعىنىڭ جانە ءىس-شارالاردىڭ جاڭا فورمالارىن تابۋ، جاس تالانتتارعا قولداۋ كورسەتۋ ماقساتىندا ءتۇرلى بايقاۋلار مەن فەستيۆالدەردىڭ ۇيىمداستىرىلعانىن بايانداعان ا.تەمىرحان وسى شارالار كەزىندە تالاي تالانتتى جۇلدىزداردىڭ باعى جانعانىن اتاپ ءوتتى.

دەرەككوزى: وقو اكىمىنىڭ ءباسپاسوز قىزمەتى

Abai.kz