بۇگىن ءوڭىر باسشىسى ب.اتامقۇلوۆ وبلىستىق ءماسليحاتتىڭ دەپۋتاتى، كاسىپكەر جاڭاباي اعابەكوۆتى قابىلدادى. كەزدەسۋدە تاراپتار حالقى تىعىز ورنالاسقان وڭتۇستىك قازاقستان وبلىسىنان رەسپۋبليكانىڭ سولتۇستىك وڭىرلەرىنە قونىس اۋدارۋدى ۇيىمداستىرۋ جۇمىستارى جونىندە اڭگىمەلەستى. 

حالىق قالاۋلىسىنىڭ ايتۋىنشا، ەرتەڭ وبلىس ورتالىعى – شىمكەنتتەن تاعى 25 وتباسى تەرىسكەيگە قونىس اۋدارماق. ولاردىڭ جول شىعىنى مەن ونداعى تۇرعىن جايىن موينىنا الىپ وتىرعان كاسىپكەرگە وبلىس اكىمى العىسىن ءبىلدىرىپ، ىسىنە ساتتىلىك تىلەدى.

ەسكە سالايىق، دەپۋتات ج.اعابەكوۆتىڭ باستاماسىمەن وسى جىلدىڭ مامىر ايىندا سارىاعاش اۋدانىنىڭ تۇرعىندارى قاتارىنان 48 ازاماتتىڭ سولتۇستىك قازاقستان وبلىسىنا ءىس-ساپارى ۇيىمداستىرىلىپ، ناتيجەسىندە 30 وتباسى اتالعان وبلىسقا قونىس اۋدارعان بولاتىن. سولتۇستىكتەگى ش.ءۋاليحانوۆ جانە اقجار اۋداندارىنا كوشكەن جانۇيالار باسپانامەن جانە اۋىلشارۋاشىلىق تەحنيكالارىمەن قامتاماسىز ەتىلگەن ەدى.

ايتا كەتەيىك، ەلباسىنىڭ ەڭبەك كۇشى مول ايماقتان ەڭبەك كۇشى جەتىسپەيتىن وڭىرلەرگە قونىستاندىرۋ بويىنشا بەرگەن تاپسىرماسىن ورىنداۋ اياسىندا وسى جىلى سولتۇستىك قازاقستان وبلىسىنا 70 وتباسى قونىس اۋداردى. بۇگىنگى تاڭدا اتالعان وتباسىلاردىڭ «جۇمىسپەن قامتۋ 2020 جول كارتاسى» باعدارلاماسى شەڭبەرىندە كوشۋ شىعىندارىن سۋبسيديالاۋ ءۇشىن ءتيىستى شارالار قابىلدانۋدا.

دەرەككوزى: وقو اكىمىنىڭ ءباسپاسوز قىزمەتى

Abai.kz