وڭتۇستىك قازاقستان وبلىسىندا العاش رەت قر پرەزيدەنتىنىڭ كۋبوگىنە ارنالعان جاسوسپىرىمدەر اراسىنداعى فۋتبولدان حالىقارالىق تۋرنير باستاۋىن الدى. 

ءىح حالىقارالىق ءتۋرنيردىڭ سالتاناتتى اشىلۋ راسىمىنە قاتىسقان وبلىس اكىمىنىڭ ورىنباسارى ۇ.سادىبەكوۆ شارانى اشىپ بەرىپ، قاتىسۋشىلارعا ساتتىلىك تىلەدى. 

«2008 جىلى الماتى قالاسىندا باستاۋ العان بۇل حالىقارالىق تۋرنير، كەيىنگى 6 جىلدا ەلوردامىز استانا قالاسىندا ءوتىپ كەلدى. قازاقستان فۋتبول فەدەراتسياسىنىڭ ۇسىنىسىنا وراي، ءبىزدىڭ قولداۋىمىزبەن 2016 جىلى 9-تۋرنير شىمكەنت قالاسىندا وتكىزىلىپ وتىر. وسى ءساتتى پايدالانا وتىرىپ، قازاقستان فۋتبول فەدەراتسياسى باسشىلىعىنا وبلىس اكىمى جانە وبلىس تۇرعىندارى اتىنان شىنايى العىسىمدى بىلدىرەمىن»، - دەدى وبلىس اكىمىنىڭ ورىنباسارى.

ەل تاۋەلسىزدىگىنىڭ 25 جىلدىعىنا وراي، قازاقستان فۋتبول فەدەراتسياسىنىڭ ۇيىمداستىرۋىمەن، وڭتۇستىك قازاقستان وبلىسى اكىمدىگىنىڭ قولداۋىمەن قولعا الىنعان سپورتتىق ءىس-شاراعا البانيا، ازەربايجان، يران، رەسسەي-2, قىرعىزستان، تاجىكستان، كرۋزەيرو-قازاقستان جانە قازاقستان فۋتبول كوماندالارى قاتىسپاق. ال ويىندار «تاسساي» شاعىن اۋدانىنداعى «بيىك» سپورت كەشەنىندە، كۇندەلىكتى ساعات 10:00-17:00 ارالىعىندا وتەدى.

حالىقارالىق ءتۋرنيردىڭ جۇلدە قورى قوماقتى. جارىس ناتيجەسىندە 3-ورىن العان كومانداعا 3 مىڭ اقش دوللارى بەرىلسە، 2-ورىن العان كومانداعا 5 مىڭ اقش دوللارى بۇيىراتىن بولادى. ال ءتۋرنيردىڭ جەڭىمپازىنا 7 مىڭ اقش دوللارى دايىن تۇر. سونداي-اق، تۋرنير اياسىندا ۇيىمداستىرۋشىلار القاسى تاراپىنان «ۇزدىك تورەشى»، «ۇزدىك قاقپاشى»، «ۇزدىك قورعاۋشى»، «ۇزدىك جارتىلاي قورعاۋشى»، ء«تۋرنيردىڭ ۇزدىك مەرگەنى» جانە «ۇزدىك ويىنشى» اتالىمدارى دا بەلگىلەنگەن.

ايتا كەتەيىك، ءتۋرنيردىڭ اقتىق ويىنى 2016 جىلدىڭ 12 تامىز كۇنى، ساعات 17.00-دە قاجىمۇقان اتىنداعى ورتالىق ستاديوندا وتەدى.

Abai.kz