ەردوعان جاقتاستارىنىڭ تۇركياداعى كوپتەگەن قالالاردا وتكىزگەن ءىرى شەرۋلەرى ستامبۋلداعى جاپپاي ميتينگكە ۇلاستى. ستامبۋلدان جۇرگىزىلگەن تەلەرەپورتاجدارعا قاراعاندا، اكتسياعا قاتىسۋشىلار ەردوعاننىڭ جالىندى سوزدەرىن بايسالدىلىقپەن قابىلدادى. ساحنانىڭ الدىڭعى قاتارىندا وتىرعان گەنەرالدار دا پرەزيدەنت بايانداماسى كەزىندە وزدەرىن بايسالدى ۇستادى. شەرۋگە جينالعانداردىڭ دەنى جاستار. حالىق ميتينگكە ۇلتتىق تۋلار ۇستاپ شىقتى.

باتىس ەلدەرى اقپارات اگەنتتىكتەرىنىڭ حابارلاۋىنشا، "دەموكراتيا جانە ازاپ شەگۋشىلەر" دەپ اتالاتىن ستامبۋلداعى ميتينگ شىلدەدەگى بۇلىكتى ۇيىمداستىرۋشىلاردى كىناراتتاۋ، ال ەردوعاندى قولداۋ ماقساتىندا وتكىزىلدى.

بيىل 15 شىلدەدە تۇركيادا بولعان ءساتسىز اسكەري توڭكەرىس كەزىندە 270-تەن استام ادام ءولدى. بۇلىكتەن كەيىنگى بىرنەشە كۇننىڭ ىشىندە بيلىك 18 مىڭ ادامدى ۇستادى نەمەسە قاماۋعا الدى. ونداعان مەملەكەتتىك قىزمەتكەر جۇمىستان قۋىلدى. قارۋلى كۇشتەردى تازارتۋ ءجۇرىپ جاتىر.