وزبەك پرەمەر-ءمينيسترى شاۆكات ميرزياەۆتىڭ ۇسىنىسىمەن باستالعان «ايبالتا» جازالاۋ ناۋقانى بارىسىندا ماقتا مەن استىق جوسپارىن ورىنداماعان بەرەشەك شارۋالاردىڭ جۇمىس تەحنيكاسى، مال-مۇلكى جانە اۆتوكولىكتەرى تاركىلەنەدى.

«ازاتتىق» تىلشىسىنە بالىقشىلىق شارۋالاردىڭ ءبىرى وبلىس اكىمى شۋحرات ءابدىراحمانوۆ تاپسىرماسىن جينالىس اياقتالا سالىسىمەن ورىنداۋعا كىرىسكەنىن ايتتى. «سيزا اۋىلىنداعى نوديربەك حوكيموۆتىڭ تراكتورىن، 20 شاقتى كىلەمى مەن پالاسىن الىپ كەتتى. كۇشپەن تاركىلەنگەن مۇلىكتەردى چينابادتاعى ماقتا تازالاۋ زاۋىتىنىڭ اۋماعىنا جەتكىزدى»، - دەدى شارۋا.

شارۋالاردىڭ جەكە مۇلكىن وبلىستىق پروكۋراتۋرانىڭ، سوت دەپارتامەنتىنىڭ، ىشكى ىستەر ورگاندارىنىڭ جانە سالىق ينسپەكتسياسىنىڭ قىزمەتكەرلەرى تاركىلەپ ءجۇر.

فەرمەرلەر جوسپاردى ورىنداي الماۋىن تۇقىم ساپاسىنىڭ ناشارلىعى جانە مەملەكەتتىك سۋبسيديانىڭ بولىنبەگەندىگىمەن ءتۇسىندىردى.