وقو، سايرام اۋداندىق توتەنشە جاعدايلار باسقارماسىنىڭ قىزمەتكەرلەرى جەكەمەنشىك سەكتورلارىنىڭ تۇرعىندارىن وقىس وقيعالارعا ۇشىراماۋ ءۇشىن، رەيدتەر جۇرگىزۋدە. توتەنشە جاعدايلار بويىنشا مامانداردىڭ الاڭداۋىنا سەبەپتەر جەتەرلىك، اسىرەسە قىس ايلارىندا تۇرعىن ۇيلەردە ءورتتىڭ بولۋى ءجيى كەزدەسەدى. مۇنداي جاعدايلار نەگىزىنەن پەشتەردى پايدالانۋ جانە ورنالاستىرۋ كەزدەرىندە ءورت قاۋىپسىزدىگىنىڭ  ەرەجەلەرىن بۇزۋمەن بايلانىستى.

جۋىردا وسىنداي كەزدەسۋ جۇمىسشىلار پوسەلكەسىندە ءوتتى. كوشپەلى رەيد بارىسىندا ورتكە قارسى قىزمەتتەردىڭ وفيتسەرلەرى حالىققا جانۋ فاكتىلەرى (دەرەكتەرى) مەن ستاتيستيكاسىن (سانىن) مىسالعا كەلتىرىپ، ءورت قاۋىپسىزدىگىنىڭ ەرەجەلەرىن ءتۇسىندىرىپ، تۇرعىن ۇيلەردە ءورت قاۋىپسىزدىگىنىڭ بۇزىلۋىنا جول بەرمەۋدى ۇسىندى. توتەنشە جاعدايلار باسقارماسىنىڭ قىزمەتكەرلەرى اۋدان تۇرعىندارىنا توسەكتە تەمەكى شەكپەۋدى، بالالاردى قاراۋسىز قالدىرماۋدى، جىلىتۋ قۇرىلعىلارىنىڭ، ەلەكتر جابدىقتارىنىڭ، ەلەكتر جۇيەلەرىنىڭ جاعدايلارىنا نازار اۋدارۋدى ەسكەرتەدى.

ۇيلەردە ءورت قاۋىپسىزدىگىن قورعاۋدى نىعايتۋ بويىنشا تولىق جازىلعان شارالار ۇسىنىلعان جادىنامالار تۇرعىندارعا تابىس ەتىلدى. تۇرعىندار توتەنشە جاعدايلار بويىنشا مامانداردىڭ الدىن الۋ جۇمىستارىنا ازاماتتاردىڭ پايداسىنا قاجەت جۇمىس دەپ تۇسىنىستىكپەن قاراپ، قابىلدادى.

ادامداردىڭ ولىمدەرى مەن جاراقات الۋلارى كوبىنە جەكەمەنشىك سەكتورلاردا بولادى. ويتكەنى، بارلىق ءورتتىڭ 80 پايىزى جەكەمەنشىك سەكتورلارىندا شىعادى.

قۇرمەتتى تۇرعىندار، ءورت قاۋىپسىزدىگى ەرەجەسىن ساقتاڭىزدار. ءورت شىققان جاعدايدا 101 تەلەفونىنا حابارلاسىڭىزدار.

ە.اناربەك،

Abai.kz