تاجىكستاندا باعالى زاتتاردى ەلدەن شىعارماق بولعان
تاجىكستاننىڭ حاتلون وبلىسىندا ارنايى ىزدەستىرۋ وپەراتسياسى كەزىندە تاريحي باعالى زاتتاردى، اتاپ ايتقاندا، 3 يكون جانە ەكىنشى دۇنيەجۇزىلىك سوعىسقا قاتىسۋشىلاردىڭ 19 وردەنى مەن ءتوس بەلگىلەرىن ەلدەن اكەتپەك بولعان وقيعانىڭ الدىن الىنعان.
حاتلون وبلىسى بويىنشا ايماقتىق كەدەن باسقارماسىنىڭ ءباسپاسوز حاتشىسى وليم شاريپوۆ تاريحي قۇندى زاتتار قورعان توبە قالاسىنىڭ تۇرعىنىنان تاركىلەنگەنىن ايتادى. ونىڭ ايتۋىنشا، باعالى زاتتاردى ەر ازامات شەتەلگە الىپ شىقپاق بولعان.
وليم شاريپوۆ سونىمەن بىرگە تاركىلەنگەن زاتتاردى ساراپتامادان وتكىزگەن كەزدە، ولاردىڭ قۇنى وتە جوعارى ەكەندىگى دالەلدەندى دەيدى. تاركىلەنگەن زاتتاردىڭ بارلىعى پروكۋراتۋراعا بەرىلگەن جانە بۇل ءىس بويىنشا تەرگەۋ ءجۇرىپ جاتىر.
مادەنيەت مينيسترلىگى ماماندارىنىڭ ساراپتاماسى بويىنشا، تاركىلەنگەن يكونداردى 19-عاسىردىڭ اياعىندا رەسەيلىك يكون جازۋشىلارى جاساپ شىعارعانى انىقتالعان. ءارى بۇل زاتتار تاجىكستاننىڭ مادەني مۇراسى بولىپ تابىلادى ەكەن.
اباي-اقپارات
