ءماجىلىستىڭ كۇن تارتىبىندە قارجىنىڭ يگەرىلۋ بارىسى تۋرالى، مەملەكەتتىك ساتىپ الۋ بارىسى، اۋدان كولەمىندە جۇقپالى اۋرۋلاردىڭ الدىن الۋ ء(سىبىر جاراسى وشاقتارىنىڭ ورنىن وقشاۋلاۋ، «بەككەري» شۇڭقىرلارى مەن مال قورىمدارىنىڭ (ولەكسە تاستايتىن ورىن، گۋبكا) جاعدايى جانە زالالسىزداندىرۋ جۇمىستارىنىڭ ساپاسى), شايان ەلدى مەكەنىندەگى ت.رىسقۇلوۆ كوشەسىنىڭ بويىنداعى ساۋدا نۇكتەلەرىن رەتتەۋ، اۋدانداعى ەگىن وراعى مەن يگەرىلمەي جاتقان جەرلەردى تۇگەندەۋ جۇمىستارى، اۋداندا كاسىپكەرلىكتى ءۇش باعىتتا دامىتۋ بويىنشا اتقارىلعان جۇمىستار تۋرالى،  جىلۋ بەرۋ ماۋسىمىنا دايىندىق  بارىسى تۋرالى ءتيىستى سالا ورىنباسارلارى مەن مەكەمە،  ءبولىم  باسشىلارى بايانداما جاسادى.  بىرقاتار مەكەمە مەن ءبولىم باسشىلارىنىڭ بەرگەن ەسەپتەرىندە ناقتى تالداۋ، ەڭ باستىسى جاۋاپكەرشىلىكپەن دايىندىق جاساۋدىڭ بولماعاندىعىن  ءماجىلىستى جۇرگىزگەن اۋدان اكىمى  ب.كوشەرباي اتاپ كورسەتىپ، جاۋاپتى تۇلعالارعا تارتىپتىك شارا قولدانۋدى تاپسىردى. ەسەپتەرى كەلەسى ماجىلىستە قايتا قارالاتىندىعىن ەسكەرتتى.

اۋدان اكىمى ءماجىلىستى قورىتىندىلاي كەلە، مىنا ماسەلەلەرگە باسا نازار اۋدارۋدى تاپسىردى.  بولىنگەن قارجىنى  تولىق يگەرۋدى قامتاماسىز ەتۋ، ەگىن وراعىمەن قاتار جەر ايداۋ، وڭدەۋ جۇمىستارىن بىرگە اتقارۋ، جاستاردى جۇمىسقا ورنالاستىرۋ، قىسقى ماۋسىمعا ازىرلىك جۇمىستارىن ۇيلەستىرۋ، كوشە تازالىعىن ۇنەمى نازاردا ۇستاۋدى تاپسىردى.

Abai.kz