سوت ماتاەۆتاردى ءۇي قاماۋىندا قالدىردى
استانانىڭ ەسىل اۋداندىق №2 سوتى قازاقستان جۋرناليستەر وداعىنىڭ توراعاسى سەيىتقازى ماتاەۆ پەن ونىڭ ۇلى اسەت ماتاەۆتىڭ ءۇي قاماۋىنان كەپىلدىككە شىعۋى تۋرالى ءوتىنىشىن قابىلداماي تاستادى.
سۋديا اقبولات قۇرمانتاەۆ ادۆوكات اندرەي پەتروۆتىڭ تاعى ەكى ءوتىنىشىن ماقۇلدامادى. قورعاۋشى سوت-ەكونوميكالىق ساراپتاما تاعايىنداۋىن جانە ءىستى الماتىدا قاراۋىن سۇراعان ەدى. سوت 23 تامىزدا باستالادى.
ماتاەۆتاردىڭ ادۆوكاتتارى سوت شەشىمدەرىمەن كەلىسپەيتىندەرىن ايتىپ، ونىڭ ۇستىنەن شاعىم تۇسىرەتىندەرىن مالىمدەدى، دەپ حابارلادى قازتاگ اگەنتتىگى.
سەيىتقازى ماتاەۆ اقپاننان بەرى ءۇيى قاماۋىندا وتىر، ال ونىڭ ۇلى – ناۋرىزدان بەرى. شىلدەنىڭ اياعىندا سوت ولاردىڭ ءۇي قاماۋىندا وتىرۋ مەرزىمىن تاعى ەكى ايعا سوزدى. ولارعا اسا ءىرى كولەمدە الاياقتىق جاسادى دەگەن ايىپ تاعىلعان، سەيىتقازى ماتاەۆقا سالىقتان جالتاردى دەگەن ايىپ قوسىلدى. سوتتالۋشىلار بۇل ايىپتاردى مويىندامايدى.
اباي-اقپارات
