روللەردرومنىڭ لەنتاسى قيىلدى

كەنتاۋ قالاسىندا جاستارعا روليك تەبەتىن الاڭ پايدالانۋعا بەرىلدى. بۇل تۋرالى «Abai.kz» پورتالى كەنتاۋ قالاسى اكىمىنىڭ رەسمي سايتىنا سىلتەمە جاساي وتىرىپ حابارلايدى.

جالپى اۋماعى مەن سىيىمدىلىعى 50-60 ادامدى قامتيتىن ويىن الاڭىنىڭ يەسى كەنتاۋ قالاسىنىڭ تۇرعىنى، جاس كاسىپكەر ايجان بوتابەكوۆا ەكەن. قازىرگى تاڭدا مۇندا ۋاقىتشا جۇمىسپەن قامتۋ باعدارلاماسى بويىنشا (كەلىسىمشارت بويىنشا) ءتورت ادام جۇمىسپەن قامتىلىپ وتىر.

قالا اكىمىنىڭ رەسمي رەسۋرسىنىڭ حابارلاۋىنشا، جاستارعا ارنالعان ويىن الاڭىنىڭ لەنتاسىن قالا اكىمىنىڭ ورىنباسارى ر.مىڭباەۆ كەسىپ، جاستاردى سالاۋاتتى ءومىر سالتىن ۇستانۋعا شاقىردى.

ايتا كەتەيىك، جاس كاسىپكەر 2016 جىلى ءساۋىر ايىندا قالا اكىمدىگىنىڭ قولداۋىمەن ورتالىق ساياباقتان روليك تەبۋ الاڭىن سالۋعا جالعا جەر تەلىمىن الىپ، قۇرىلىس جۇمىستارىن جۇرگىزۋدى باستاپ كەتكەن-ءتىن. سونىمەن قاتار، 100 دانا روليكتى تاپسىرىسپەن الدىرىپ، ويىن الاڭىندا پايدالانۋدا.

ايتا كەتەيىكع الداعى ۋاقىتتا جاس كاسىپكەر الاڭدى جاۋىن وتپەيتىندەي ەتىپ جاۋىپ، جىل بويى جاستارعا روليك تەبۋگە مۇمكىنشىلىك بەرەتىن ورتالىق ەتپەك.

كەنتاۋدا كەلەلى ىستەردىڭ كۇرمەۋى شەشىلۋدە

كەنتاۋ قالاسىنىڭ اكىمى ءا.ماقۇلباەۆ تۇرعىندارمەن تىكەلەي جۇزدەسىپ، ارىز-شاعىمدارىنا كوڭىل ءبولىپ، شەشىمىن تارقاتىپ كەلە جاتىر.

وسى ۋاقىت ارالىعىندا قالا باسشىسى قالاعا قاراستى اۋىلدار مەن بىرنەشە شاعىن اۋدانداردىڭ تۇرعىندارىمەن كەزدەسىپ، ماسەلەلەرىنە قۇلاق ءتۇردى.

سونداي-اق بۇل كەزدەسۋلەرگە ءار سالا باسشىلارى دا قاتىسىپ، كوتەرىلگەن جايتتاردىڭ شەشىمى سول مەزەتتە شەشىلىپ وتىرادى.

جۋىردا قالا اكىمى قالاداعى ياساۋي، تولە بي كوشەلەرىن ارالاپ، حالىقپەن كەزدەستى. وندا تۇرعىنداردىڭ تولعاندىرعان ماسەلەلەرى تىڭدالىپ، شەشۋ جولدارى تالقىلاندى.

Abai.kz