قازاقستاندا جىلدىڭ باسىنان بەرى 26 مىڭنان اسا سايت پەن سىلتەمەنىڭ جۇمىسىنا شەكتەۋ قويىلعان. بۇل تۋرالى قر اقپارات جانە كوممۋنيكاتسيا مينيسترلىگىنىڭ ءباسپاسوز قىزمەتى حابارلادى.

"جىل باسىنان بەرى ۋاكىلەتتىڭ ورگاننىڭ قىزمەتكەرلەرى، ياعني قر اقم بايلانىس، اقپاراتتاندىرۋ جانە اقپارات كوميتەتىندەگىلەر 26 266 سايت پەن سىلتەمەگە شەكتەۋ قويعان. ولاردىڭ ىشىندە تەرروريزم مازمۇنىنداعى 2384 سايت، پورنوگرافيالىق 21 690 سايت، وزىنە-ءوزى قول جۇمساۋ مازمۇنىنداعى 2192 توپتىڭ جۇمىسى توقتاتىلدى. قالعان شەكتەۋ قويىلعان توپتاردىڭ قاتارىندا ۇلت اراسىنداعى ارازدىقتى قوزدىراتىن جانە ونلاين كازينولار بار", - دەدى مينيسترلىكتىڭ ءباسپاسوز حاتشىسى ارسەن بەكتاسوۆ.

ارينە، مەملەكەتتىڭ تۇتاستىعى ءۇشىن جاسالىپ جاتقان مينيسترلىكتىڭ بۇل باستاماسىن قولدايمىز. دەسە دە، مەملەكەتشىل بولىپ كورىنگىسى كەلەتىن، سويتە تۇرا ارقاشان دا ءسالافيزم يدەياسىن قولداپ، وزدەرىن ءسالافيت ەكەنىن اشىق ايتاتىن پورتالدارعا ەشكىم تيىسپەگەن. 

سونىمەن قاتار، سالافيتتىك يدەيانى ناسيحاتتاپ جۇرگەن، ءارتۇرلى باق-تا قىزمەت ەتەتىن جۋرناليستەر جايلى دا مينيسترلىك ءبىر شەشىمگە كەلۋى ءتيىس دەپ ويلايمىز. سەبەبى، ەلباسىنىڭ ءوزى ءسالافيزمدى داتتاپ وتىرعاندا، ونى اقتاپ العىسى كەلەتىن كوپتەگەن تىلشىلەرگە مەملەكەتتىك ءباسپاسوز بەتتەرىندە مىنبەر بەرىپ قويعانىمىز وتىرىك ەمەس.  

اقتوبەدەگى لانكەستىك ارەكەتكە ۆكونتاكتە الەۋمەتتىك جەلىسىنىڭ اسەرى زور بولعانى ايتىلعان ەدى. مينيسترلىك وكىلى: ء"بىز ۆكونتاكتە جەلىسىنىڭ وكىلدەرىمەن جۇمىس ىستەپ جاتىرمىز. ولارمەن ۇنەمى بايلانىستامىز. ولارعا قاي توپتاردىڭ قىزمەتىن شەكتەۋ قاجەت ەكەنىن ايتىپ وتىرامىز. وسىلايشا الەۋمەتتىك جەلىنىڭ وكىلدەرى قاجەتتى توپتاردىڭ جۇمىسىنا شەكتەۋ قويىپ وتىرادى", - دەگەن.

سوعان قاراعاندا، مينيسترلىك ءالى ناقتى قادامدارعا بارا قويماعان سەكىلدى. دەسەك تە، العاشقى ادىم ءۇشىن 26 مىڭنان اسا سايتتىڭ جابىلعانى كوڭىل قۋانتادى. 

ىسكە، ءسات!

ءشارىپحان قايسار

Abai.kz