2016 جىلدىڭ العاشقى جارتىسىنىڭ قورىتىندىسى بويىنشا وتاندىق اۆتووندىرىستەگى  cاتىلىمدار كەزىندە كوش باسىنا شىققان مودەلدەر: Lada 4x4, SkodaRapid جانە KIA Sportage. جارتىجىلدىق قورىتىندىلارى بويىنشا اۆتوونەركاسىپتىڭ قر ءجىو-نە قوسقان ۇلەسى (36,6 ملرد تەڭگە) جەڭىل، فارماتسەۆتيكالىق، اعاش وڭدەۋ، ماتا، جيھاز ونەركاسىپتەرى مەن بىرقاتار وزگە دە سالالار كورسەتكىشتەرىنەن اسىپ تۇسكەن.   

2016 جىلعى ماۋسىمدا قر جەڭىل اۆتوكولىكتەر ءوندىرىسى 37%-عا ارتقان (2015 جىلعى قورىتىندىلارمەن سالىستىرعاندا). 

2016 جىلعى 6 اي ىشىندەگى قورىتىندى بويىنشا قر جۇك اۆتوكولىكتەرىن شىعارۋ 16,6%-عا ارتقان. 

جەرگىلىكتى جەردە قۇراستىرىلعان جەڭىل اۆتوكولىكتەر ۇلەسى 17,3%-دان 22,5%-عا ارتقان. 

ەلىمىزدە قۇراستىرىلعان جەڭىل اۆتوكولىكتەردىڭ TOP-5 برەندى: Kia, Lada, Hyundai, Skoda جانە Peugeot. 

ساتىلىمدار بويىنشا كوش باسىنا شىققان مودەلدەر: Lada 4x4, SkodaRapid جانە KIA Sportage. 

قازاقستاندىق اۆتو ونەركاسىبى كاسىپورىندارىنىڭ بيىلعى جىلدىڭ ەكىنشى ماۋسىمىنداعى قىزمەتى سالالىق ينديكاتورلاردىڭ قالپىنا كەلۋىمەن ەرەكشەلەندى. 2016 جىلعى 6 ايدىڭ قورىتىندىسى بويىنشا رەسپۋبليكا اۋماعىندا جالپى قۇنى 36,6 ملرد تەڭگەگە تەڭ 3772 اۆتوكولىك بىرلىگى شىعارىلعان (جۇك كولىگى مەن اۆتوبۋس تەحنيكاسىن قوسقاندا). ەگەر 2016 جىلعى قاڭتار ايىندا ەل اۋماعىندا شىعارىلعان اۆتوكولىك قۇرالدارىنىڭ كولەمى 404 بىرلىكتەن اسپاعان بولسا، ماۋسىم ايىنىڭ قورىتىندىسى بويىنشا كورسەتكىش 1136 بىرلىككە جەتكەن. 

2016 جىلعى ماۋسىم ايىنداعى قورىتىندىلار بويىنشا جەڭىل اۆتوكولىكتەر سەگمەنتىندەگى ءوندىرىس وتكەن جىلعى كورسەتكىشتەرگە قاراعاندا 37%-عا ارتىپ، 933 بىرلىككە جەتكەن. بىرىنشى جارتىجىلدىقتاعى جۇك كولىكتەرىن شىعارۋ كورسەتكىشتەرى دە 2015 جىلعى كورسەتكىشتەرگە قاراعاندا 16,6%-عا ءوسىپ، 718 بىرلىكتى قۇراعان. 

وتاندىق اۆتويندۋستريا 2014-2015 جىلدارداعى ۆاليۋتا نارىعىنداعى تۇراقسىزدىق پەن ماكروەكونوميكانىڭ السىرەۋى سالدارىنان شىعىنعا باتقان سالالاردىڭ بىرىنە اينالعانى بەلگىلى. الايدا اۆتوونەركاسىپتىڭ بىرنەشە ايلىق قۇلدىراۋىنا قاراماستان، ونىڭ سوڭعى 6 اي ىشىندە ءجىو قۇرىلىمىنا قوسقان ۇلەسى (36,6 ملرد تەڭگە) جەڭىل ونەركاسىپ (34,7 ملرد تگ), قاعاز ونەركاسىبى  (20,3 ملرد تگ), فارماتسەۆتيكا ونىمدەرى ءوندىرىسى (18,7 ملرد تگ), ەلەكترونيكا وندىرىسىنەن (17,2 ملرد تگ) قورىتىندىلارىنان ايتارلىقتاي اسىپ تۇسكەن، سونىمەن بىرگە جيھاز (12,2 ملرد تگ) جانە اعاش وڭدەۋ (10,6 ملرد تگ) ونەركاسىپتەرىنىڭ وسىعان ۇقساس كورسەتكىشتەرىنەن 3 ەسەگە دەيىن كوپ بولعان. 

ەسكە سالساق، 2015-2016 جىلدارى وندىرىستىك كورسەتكىشتەردىڭ ازايۋىنىڭ باستى فاكتورى جاڭا اۆتوموبيلدەر نارىعىنداعى بەلسەندىلىكتىڭ كۇرت تومەندەۋى بولعان ەدى. مىسالى، جىل باسىنان بەرى 6 اي ىشىندە رەسمي ديلەرلەر 20,8 مىڭ جەڭىل اۆتوكولىكتى ساتقان، ال بىلتىرعى جىلدىڭ وسى كەزەڭىندە بۇل كورسەتكىش 52 مىڭ بولعان بولاتىن (60%-عا تومەندەگەن). 

دەگەنمەن، نارىقتىڭ قۇلدىراۋى جەدەلدەي تۇسسە دە، وتاندىق اۆتووندىرۋشىلەر ءوز ۇستانىمىن نىعايتا الدى. جارتىجىلدىق قورىتىندىسى بويىنشا جەرگىلىكتى قۇراستىرىلىمداعى جەڭىل اۆتوكولىكتەر ۇلەسى 22,5%-عا تەڭ بولعان، 2015 جىلعى وسى مەرزىم ىشىندە ول 17,3% بولعان. وتاندىق اۆتوزاۋىتتار ەسەپتىك كەزەڭدە 4733 اۆتوكولىك بىرلىگىن ساتقان. 

ەلدە جاسالعان جەڭىل اۆتوكولىكتەر ىشىندەگى 2016 جىلعى بەس ۇزدىك اۆتوكولىك رەتىندە Kia (895 بىرل.),ء Lada (812 بىرل.),ء Hyundai (656 بىرل.),ء Skoda (515 بىرل.) جانە Peugeot (304 ەد.) برەندتەرى تانىلدى. سونداي-اق، قازاقستاندىق ساتىپ الۋشىلار ەلدە قۇراستىرىلعان Jac (291 بىرل.),ء Geely (288 بىرل.),ء Chevrolet (239 بىرل.),ء Toyota (206 بىرل.),ء SsangYong (84 بىرل.) جانە Iveco (66 بىرل.) سەكىلدى ماركالاردى تاڭداعان. 

قازاقستاندا شىعارىلعان اناعۇرلىم تانىمال اۆتوكولىكتەر مودەلدەرى قاتارىنداعى كوشباسشى  الى دە Lada 4x4 ء(812 بىرل.) ەنشىسىندە بولىپ وتىر. ەڭ تانىمال ۇشتىككە SkodaRapid (390 بىرل.) پەن KiaSportage (363 بىرل.) دە ەندى. قورىتىندى بويىنشا سۇرانىسقا يە بولعان مودەلدەر قاتارىندا، سونىمەن بىرگە،ء HyundaiElantra (326 بىرل.), Peugeot 301 ء(233 بىرل.),ء ToyotaFortuner (206 بىرل.), Jac S3 ء(198 بىرل.),ء ChevroletAveo (163 بىرل.), Hyundai i30 ء(146 بىرل.)  جانە KiaRio HB ء(137 بىرل.) بار. 

وتاندىق كاسىپورىندار جۇزەگە اسىرىپ وتىرعان ۇنەمدى مودەلدەر سەگمەنتىن كەڭەيتۋ ارقىلى 2016 جىلدىڭ ەكىنشى جارتىجىلدىعىندا قازاقستاندىق اۆتووندىرىس كورسەتكىشتەرىن قالپىنا كەلتىرۋ بۇدان ارى دا مۇمكىن بولماق. مىسالى، 22 ماۋسىمدا «ازيا اۆتو» وسكەمەن اۆتوقۇراستىرۋ زاۋىتىنىڭ مودەلدىك قاتارلارى LadaGranta, LadaKalina جانە Lada 2131 اۆتوكولىكتەرىمەن تولىققان. بيىلعا جىلدىڭ ەكىنشى جارتىجىلدىعىندا كاسىپورىن قۋاتتىلىعى تاعى تورت قولجەتىمدى مودەلمەن تولىعادى دەلىنۋدە. 

Abai.kz