اقش مەملەكەتتىك دەپارتامەنتىنىڭ وكىلى دجون كيربيدىڭ مالىمدەۋىنشە، "ەگەر بۇل راس بولسا، وندا ونىڭ زارداپتارى اسا اۋىر تيەدى".

بۇعان دەيىن حلورلى دەلىنەتىن كونتەينەرلەردىڭ سەيسەنبىنىڭ تۇنىندە يدليب پروۆينتسياسىندا رەسەيلىك مي-8 ۇشاعى قۇلاعان ايماققا تاستالعانىن "سيريانىڭ ازاماتتىق قورعانىسى" ۆولونتەرلىك توبى حابارلاعان ەدى. ۇيىمنىڭ YouTube-كە جۇكتەگەن بەينەتاسپاسىندا تۇنشىققان ادامدار جانە ازاماتتىق قورعانىس كۇشتەرىنىڭ فورماداعى قۇتقارۋشىلارىنىڭ ولارعا وتتەگى ماسكالارىن تاراتىپ جۇرگەنى بەينەلەنگەن. ۋلى كونتەينەرلەر تاستالعانىن سيريالىق ادام قۇقىعىن قورعاۋشىلار دا حابارلادى.

وپپوزيتسيالىق سيريا ۇلتتىق كواليتسياسى بۇنى پرەزيدەنت باشار اسادتىڭ رەجيمى جاساعان دەپ ەسەپتەيدى. بۇل ۋاقىتتا، سيريالىق سانا ۇكىمەتتىك اگەنتتىگىنىڭ حابارلاۋىنشا، بۇلىكشىلەر الەپپوعا گاز وقتۇمسىقتارى بار زىمىرىندار تاستادى، سونىڭ سالدارىنان 5 بەيبىت تۇرعىن قايتىس بولىپ، تاعى 8 ادامنىڭ تىنىس الۋ مۇشەلەرىنە زاقىم كەلدى.

اباي-اقپارات