اقش يادرولىق قارۋىن جەتىلدىرەدى
2020 جىلى قۇراما شتاتتار B61-12 جەتىلدىرىلگەن اتوم بومباسىنىڭ العاشقى ۇلگىسىن شىعارادى. امەريكا داۋىسى ورىس قىزمەتىنىڭ حابارلاۋىنشا، 12-ءشى ۇلگىدەگى جەتىلدىرىلگەن بومبانى كەم دەگەندە تاعى 20 جىلعا ساقتاۋعا بولادى.
اقش ۇلتتىق يادرولىق قاۋىپسىزدىك باسقارماسى B61-12 يادرولىق وقتۇمسىعىنىڭ جارامدىق مەرزىمىن ۇزارتۋ جونىندەگى باعدارلاماسىنىڭ ينجەنەرلىك فازاسىن باستاۋعا رۇقسات بەردى. وسىلايشا ءتورت جىلعا سوزىلعان دايىندىق جۇمىستارىنىڭ ءوندىرىس قارساڭىنداعى قورىتىندى كەزەڭى باستالدى. العاشقى ءونىم 2020 جىلى وندىرىلەدى دەپ جوسپارلانعان.
ول بويىنشا، وقتۇمسىقتىڭ يادرولىق جانە يادروسىز بولشەكتەرى قايتا وڭدەلەدى، ءسويتىپ ونىڭ قاۋىپسىزدىگى كۇشەيتىلەدى جانە قولدانۋ مەرزىمى ۇزارتىلادى. باسقارما جەتەكشىسى فرانك كلوتستىڭ ايتۋىنشا، قازىر قولدانىستا جۇرگەن ۆ61 ۇلگىسىندە امەريكالىق ارسەنالداعى ەڭ كونە بولشەكتەرى قولدانىلادى.
"قارۋدىڭ قولدانۋ مەرزىمىن ۇلعايتۋ جونىندەگى وسى تارىزدەس باعارلامالار پرەزيدەنت وبامانىڭ ارسەنالداردى قىسقارتا وتىرىپ، يادرولىق قارۋدى تەجەۋدە قاۋىپسىز ءارى سەنىمدى ءىس-شارالارىن قولداۋ جونىندەگى تاپسىرمالارىنا ساي كەلەدى", - دەپ مالىمدەدى اقش ەنەرگەتيكا ءمينيسترى ەرنەست مونيز.
اباي-اقپارات
