دۋشانبەدە ءباسپاسوز ءماسليحاتىن وتكىزگەن داۆلاتزودتىڭ ايتۋىنشا، ەلدىڭ ساقتىق قورى تۋرالى مالىمەتتى ەستىگەن جۇرت بانكتەردەگى سالىمدارىن شىعارا باستاپ، سونىڭ سالدارىنان ەلدەگى جاعداي ودان سايىن ۋشىعىپ كەتۋى مۇمكىن ەدى. «ەلدىڭ التىن-ۆاليۋتا ساقتىق قورىن قۇپيادا ۇستاۋ – مەملەكەتتىك ساياسات. ۇرەي تۋعىزعان ءبىر عانا دۇربەلەڭ حالىقتىڭ تاجىكستان بانك جۇيەسىنە سەنىمسىزدىگىن ودان سايىن كۇشەيتىپ جىبەرەر ەدى»، - دەدى ول.

بۇعان دەيىن دۇنيەجۇزىلىك بانك ساراپشىلارى تاجىكستاننىڭ التىن-ۆاليۋتا ساقتىق قورى بار بولعانى 72 كۇنگە جەتەدى دەپ باعالاعان ەدى. ۋمەد داۆلاتزود ساراپشىلار پىكىرىن قوستادى، تەك قور كولەمى حالىقارالىق ولشەممەن العاندا 90 كۇنگە جەتۋى مۇمكىن ەكەندىگىن ايتتى. مينيسترلىك وكىلىنىڭ مالىمدەۋىنشە، قارجى داعدارىسى باستالعان شاقتا التىن-ۆاليۋتا قورىنىڭ ءبىر بولىگى ۇلتتىق ۆاليۋتا باعامىن ساقتاۋعا جۇمسالىپ كەتكەن.

تاجىك ۇكىمەتى، ۇلتتىق ۆاليۋتا باعامىنىڭ تۇراقتى دەڭگەيدە ساقتالۋىن ەسكەرە وتىرىپ، ەلدىڭ التىن-ۆاليۋتا ساقتىق قورىنىڭ كولەمىن ۇلعايتۋ ماقساتىندا جۇمىستار اتقارىپ جاتىر، دەدى شەنەۋنىك.