جۇما, 29 ناۋرىز 2024
جاڭالىقتار 3606 0 پىكىر 1 تامىز, 2016 ساعات 14:18

الماتىدا جاسوسپىرىمدەر قىلمىسىنىڭ تومەندەگەنى بايقالادى

الماتىدا جاسوسپىرىمدەر قىلمىسىنىڭ تومەندەگەنى بايقالادى

 

قابىلدانعان شارالاردىڭ ناتيجەسىندە الماتىدا جاسوسپىرىمدەر اراسىنداعى قىلمىس 8%-عا تومەندەدى. پوليتسەيلىك تالداۋ كورسەتكەندەي، قىلمىستىڭ 42,2%-ى ەرەسەكتەردىڭ قاراۋىنسىز الماتىعا قىسقا مەرزىمگە باسقا قالالاردان كەلەتىن جاسوسپىرىمدەرمەن جاسالادى ەكەن.

«كامەلەتكە تولماعاندار اراسىنداعى جەدەل جاعدايدى تۇراقتاندىرۋ ماقساتىندا اعىمداعى جىلى مۇددەلى مەملەكەتتىك ورگاندار مەن ۇكىمەتتىك ەمەس ۇيىمداردىڭ قاتىسۋىمەن «دەمالىس»، ء«جاسوسپىرىم»، «تۇنگى قالاداعى بالالار»، «كوشە»، ء«جاسوسپىرىم – زاڭ – قاۋىپسىزدىك»، «جۇمىسپەن قامتۋ» سياقتى 7 جەدەل-الدىن الۋ ءىس-شارالارى وتكىزىلىپ، نەعۇرلىم كريمينوگەندىك ۋچاسكەلەردە جەرگىلىكتى جۇمىستار جۇرگىزىلدى. جۇرگىزىلگەن ءىس-شارالار ناتيجەسىندە ءتۇرلى قۇقىقبۇزۋشىلىقتار جاساعانى ءۇشىن جانە قاداعالاۋسىز قالعان 6 مىڭ 875 ءجاسوسپىرىم ىشكى ىستەر ورگاندارىنا جەتكىزىلدى، ونىڭ 6 مىڭ 814-ءى اكىمشىلىك قۇقىقبۇزۋشىلىق جاساعاندار. 505 ءجاسوسپىرىم مەن 325 قولايسىز وتباسىلار ىشكى ىستەر ورگاندارىنا ەسەپكە قويىلدى. سونىمەن قاتار، كامەلەتتىك جاسقا تولماعانداردىڭ ويىن-ساۋىق مەكەمەلەرىندە جانە زاڭدى وكىلدەرىنىڭ ەرتىپ ءجۇرۋىنسىز تۇنگى ۋاقىتتا تۇرعىن ۇيدەن تىسقارى جەرلەردە ءجۇرۋ فاكتىلەرىن انىقتاۋ ءۇشىن تۇراقتى نەگىزدە رەيدتىك ءىس-شارالار جۇرگىزىلىپ تۇرادى. شارا ناتيجەسىندە 2 مىڭ 193 اتا-انا اكىمشىلىك جاۋاپكەرشىلىككە تارتىلدى»،- دەپ حابارلادى الماتى قالاسىنىڭ ءىىد جەرگىلىكتى پوليتسيا قىزمەتى يۋۆەنالدى پوليتسيا ءبولىمىنىڭ باستىعى، پوليتسيا پولكوۆنيگى لەيلا الىپباەۆا.

سپيكەردىڭ ايتۋىنشا، پارمەندى شارالاردىڭ ءبىرى كامەلەتكە تولماعان جاستاردىڭ قۇقىقتىق ساۋاتىن ارتتىرۋ بولىپ تابىلادى. وسىعان وراي، مۇددەلى مەملدەكەتتىك ورگاندارمەن بىرلەسە وتىرىپ، جاسوسپىرىمدەر اراسىنداعى قۇقىقبۇزۋشىلىقتىڭ الدىن الۋ مەن جولىن كەسۋ، سونداي-اق بالا تاربيەلەۋدە اتا-انالاردىڭ جاۋاپكەرشىلىگىن ارتتىرۋ ماقساتىندا جالپى ءبىلىم بەرەتىن وقۋ ورىندارىنىڭ وقۋشىلارىمەن جانە ولاردىڭ اتا-انالارىمەن كەزدەسۋلەر وتكىزىلىپ تۇرادى.

«اعىمداعى جىلدىڭ باسىنان بەرى قالانىڭ ءبىلىم مەكەمەلەرىندە 5513 تاقىرىپتىق دارىستەر مەن اڭگىمەلەر ۇيىمداستىرىلدى. وسى ماقساتتا مۇددەلى مەملەكەتتىك ورگاندارمەن بىرلەسىپ ءىىو ەسەبىندە تۇراتىن، تاربيە كولونياسىنداعى، ءىىو-نىڭ ارنايى ءبىلىم بەرۋ ۇيىمدارى مەن مەكەمەلەرىندەگى كامەلەتكە تولماعاندارعا بارۋ تاجىريبەسى جالعاسۋدا. جۇرگىزىلگەن الدىن الۋ جۇمىستارىنا وقۋشىلار اراسىندا ورىن الاتىن قۇقىقبۇزۋشىلىقتاردىڭ الدىن الۋ مەن جولىن كەسۋدە مەكتەپ پوليتسيا ينسپەكتورلارىنا كومەك كورسەتكەن بالالار مەن جاسوسپىرىمدەر ۇيىمدارى («پوليتسيانىڭ جاس كومەكشىلەرى»، «جاس ۇلان»، «جاس قىران» جاساقتارى) بەلسەنە اتسالىستى. وقۋشىلاردىڭ مۇنداي قۇرىلىمدارى وقۋ مەكەمەلەرىندەگى قۇقىق ءتارتىبىنىڭ جاي-كۇيىنە وڭ اسەرىن تيگىزۋدە. مەكتەپ پوليتسيا ينسپەكتورلارىنىڭ، پەداگوگيكالىق ۇجىمنىڭ ۇيلەسىمدى جۇمىستارىنىڭ جانە وقۋشىلاردىڭ ءوزىن-ءوزى باسقارۋىنىڭ ارقاسىندا مەكتەپ وقۋشىلارى تاراپىنان جاسالعان قىلمىستار سانى 38,5%-عا ازايدى»،- دەدى پولكوۆنيك الىپباەۆا.

سونداي-اق قالا جانە اۋداندار اكىمدىگى جانىنداعى كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيامەن ءوزارا تىعىز بايلانىس كامەلەتتىك جاسقا تولماعاندار اراسىنداعى قۇقىقبۇزۋشىلىقتىڭ الدىن الۋدىڭ باستى تەتىكتەرىنىڭ ءبىرى بولىپ تابىلادى. اعىمداعى كەزەڭ ارالىعىندا كوميسسيا وتىرىسىندا كامەلەتتىك جاسقا تولماعاندارعا قاتىستى ءارتۇرلى فاكتىلەر بويىنشا 142 ماتەريال قارالدى. بالانى تاربيەلەۋ، وقىتۋ مەن كۇتىپ-باعۋدا ءوز مىندەتتەرىن ورىنداماعانى ءۇشىن 24 اتا-اناعا قاتىستى ەڭ سوڭعى شارا – اتا-انالىق قۇقىقتارىنان ايىرۋ شاراسى قولدانىلدى، سونداي-اق 99 اتا-انا اكىمشىلىك جاۋاپكەرشىلىككە تارتىلدى. 

گۇلنار جامانقۇلوۆا، الماتى قالاسىنىڭ ءىىد ءباسپاسوز-قىزمەتى

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616