جۇما, 29 مامىر 2020
COVID-19 قازاقستاندا. جۇقتىرعاندار — 9932. جازىلعاندار — 5011. قايتىس بولعاندار — 37
ەكونوميكا 1613 0 پىكىر 10 قاراشا, 2016 ساعات 00:00

كوپىر سالۋعا كەتەتىن شىعىندار 30%-عا ازايادى

الماتى اكىمى باۋىرجان بايبەك «بجك-2020»، «نۇرلى جول» باعدارلامالارى مەن گپير-ءدىڭ 2015-2019 جىلدارعى ەكىنشى بەسجىلدىعى قۇرامىنا ەنگەن ءارى قالا اكىمدىگىنىڭ قولداۋىنا يە بولعان كاسىپورىنداردى ارالاپ كوردى.

مىسالى، «ازمك» جشس-ءنىڭ باسشىلىعى قالا اكىمىنە تەمىربەتون ونىمدەرى مەن كونسترۋكتسيالاردى جاساپ شىعاراتىن جاڭا جوعارىتەحنولوگيالى قوندىرعىلاردى كورسەتتى. زاۋىت ارنايى قوندىرعىلار ارقاسىندا كوپىر قۇرىلىسىنا قاجەت پوستىلىق تىرەۋلەردىڭ قۇنىن 30 پايىزعا ارزانداتقان جانە ءونىم بارىنشا ساپالى.

ء«بىز ساپا سەرتيفيكاتىن الدىق ءارى ءتۇرلى ەلدىڭ 60 تاۋەلسىز ساراپشىلارىن شاقىرىپ، ارنايى زەرتتەۋ جۇمىستارىن جۇرگىزدىك. ولار ءبىزدىڭ جاساعان تەحنولوگيامىزدىڭ بيۋدجەتتى 30 پايىزعا ۇنەمدەيتىنى جونىندە قورىتىندى جاسادى. ەگەر رەسەيلىكتەر نك-120 قوندىرىعىسىمەن جۇمىس ىستەسە، ءبىزدىڭ بالكىلەر نك-180 ارقىلى ورناتىلادى. بۇل ەۆروپ الىق ساپادان جوعارى. ونىڭ ۇستىنە تىرەۋىشتەردىڭ سالماعى تومەن، قۋاتتىلىعى جوعارى. بۇل سوزىلمالى بولات ارقاندار ارقىلى جۇزەگە اسادى. ءبىز كەز- كەلگەن جوباعا ساي بولاتىن قاجەتتى ۇزىندىقتاعى بالكىلەردى جاساي بەرەمىز، ءونىمنىڭ ارزان بولۋى دا سوندىقتان» ، - دەپ اتاپ ءوتتى كاسىپورىن باسشىسى شۋحراد شاردينوۆ .

بۇلاردان وزگە زاۋىت سۋ ارنالارىن بەكىتەتىن وزىندىك قۇنى جاعىنان تومەن جوعارى ساپالى زاتتاردى دا شىعارادى. سونىڭ ارقاسىندا كاسىپورىن بورديۋلەردى ارىقتار مەن ونىڭ جاعالاۋلارىن بەرىك ەتەتىن ءونىم شىعاراتىن 5 كاسىپورىن اراسىندا ۇزدىك دەپ سانالادى. بۇگىندە كاسىپورىنداعى 5 ادام ارىقتار ءۇشىن قاجەت 1000 پليتالاردى شىعارادى، وزگە جەرلەردە 100 پليتا شىعارۋمەن 25 تەن 50 ادامعا دەيىن اينالىسادى.

«ساپالى ءارى ارزان ءونىمنىڭ ارقاسىندا بىزگە وزگە قالالاردان تاپسىرىس بەرۋشىلەر دە كوپ. بىزدەن 2600 كم قاشىقتىقتا جاتقان اتىراۋعا دا ءونىم جىبەرەمىز، ال ول قالادا 2 تەمىربەتون زاۋىتتارى بار», - دەدى ش.شاردينوۆ.

«سۋبسيديا باعدارلاماسىنا قاتىستى قالا قاجەتتى قولداۋدى كورسەتەتىن بولادى.بارىنشا ساپالى ءارى ارزان ونىمدەرىڭىزدىڭ ارقاسىندا سىزدەر ەسكى ۇيلەردى ءسۇرۋ باعدارلاماسىنا دا قاتىسا الاسىزدار. كەلەر جىلى جاعالاۋلاردى، بورديۋرلەردى مىقتىلاۋ بۇيىمدارىن ساتىپ الۋ جسپارلانۋدا. 4 جاڭا جەلىنى ساتىپ الۋ بارىسىندا ءونىمنىڭ وزىندىك قۇنىن تومەندەتىپ، تاپسىرىستى كوبەيتىپ، ءونىدىرىستى دامىتىپ كەلەسىزدەر», - دەدى اكىم.

قالا باسشىسى بۇدان سوڭ «ەسكى ءۇي»، «نۇرلى جەر»، باعدارلامالارىنا قولداۋ بىلدىرگەن، 2010 جىلى قۇرىلعان، قۇرىلىس ماتەريالدارىن شىعاراتىن «نۇرساپا بەتون» زاۋىتىندا بولدى.

ء«بىز تسەمەنت پەن بەتون شىعاراتىن زاۋىت سالدىق. ونىڭ ونىمدىلىگى ساعاتىنا 110 تەكشە. ءبىزدىڭ قوندىرعىلارىمىز تۇگەلدەەي دەرلىك ەۆروپالىق جانە حالىقارالىق ستاندارتتارعا ساي. بارلىق سىنىپتى بەتون شىعارامىز،وتە جوعارى – 650, ءتىپتى 700-750 سىنىپتىنى دا شىعارا الامىز. ءبىز تاپسىرىس بەرۋشىنىڭ بارلىق تالاپتارىن قاناعاتتاندىرامىز. ءتۇرلى قۇرامداعى بەتوندى جاسايمىز», - دەدى «نۇرساپا بەتون» جشس ديرەكتورى اسان شايماحانوۆ.

قازىرگى كەزدە زاۋىت بەتوننىڭ 36 ءتۇرىن شىعارادى، سونىڭ ىشىندە ۇلكەن سۇرانىسقا يە ءارى ەكولوگيالىق جاعىنان تازا كەرامزيت-بەتونى ءارى ول 9 باللدىق سىلكىنىسكە دە توتەپ بەرەدى.

«قازىر ءبىزدىڭ جۇمىسپەن قامتىلۋىمىز – 30%، بۇل جاقسى ناتيجە، قازان ايىندا عانا اشىلدىق، 106 ملن. تەڭگە بولاتىن 8,5 مىڭ تەكشە بەتون شىعاردىق. اي سايىن 6 مىڭ تەكشە بەتون شىعارۋدى جوسپارلاۋدامىز. كەتكەن شىعىندى ءبىر نەمەس 1,5 جىل ىشىندە جابامىز، قوندىرعىلار 15 جىلعا دەيىن ۇزدىكسىز جۇمىس ىستەيدى. ءبىز قىس ايىندا تولىق كۇشىمىزگە ەنەمىز دەپ جوسپارلاۋدامىز، ويتكەنى بىزدە ىستىق سۋ، بۋ، قاجەتتىلەردىڭ بارلىعى بار. قىس كەزىندە كوپتەگەن شاعىن زاۋىتتار توقتاپ قالادى، ال ءبىز قۋاتتىلىعىمىزدى ارتتىرامىز» ، - دەدى ا.شايماحانوۆ.

قازىرگى كەزدە كاسىپكەرلىكتى قولداۋ كارتاسىنا ەكىنشى بەسجىلدىقتا جالپى قۇنى 175,3 ملرد. بولاتىن 80 جوبا ەنگەن. بۇل جوبالار جۇزەگە اسسا 11 374 جاڭا جۇمىس ورنى پايدا بولادى. 2015 جىلى قۇنى 4,7 ملرد. تەڭگە بولاتىن 7 جوبا جۇمىس ىستەي باستادى جانە 269 جۇمىس ورنى پايدا بولدى.

كاسىپكەرلىكتى قولداۋ كارتاسى اياسىندا قۇنى 32,2 ملرد. تەڭگە بولاتىن 21 جوبا ىسكە اسىپ، 2262 جۇمىس ورنى اشىلدى.

abai.kz

0 پىكىر