بۇگىن «ماكسيمۋم» ايو باسشىلارىنىڭ قاتىسۋىمەن كوكتەمگى ەگىن-ەگۋ جانە جيناۋ جۇمىستارىن قارجىلاندىرۋ بويىنشا تولەبي اۋدانىندا جەكە كاسىپكەرلەر مەن جەرگىلىكتى ديكانشىلارمەن كەزدەسۋ ءوتتى. كەزدەسۋدىڭ نەگىزگى ماقساتى - ديقانشىلاردىڭ قارجىنى دەر كەزىندە الىپ، ورىندى ءارى ءتيىمدى پايدالانۋدى ءتۇسىندىرۋ.  

«ماكسيمۋم» ايو باسشىلىعى وسى جىلدىڭ قىركۇيەك ايىنان 2017 جىلعى كوكتەمگى ەگىن ەگۋ جۇمىستارىنا نەسيە الۋشىلاردىڭ قۇجاتتارىن قابىلداۋدى باستالعانى تۋرالى مالىمدەدى جانە قارجىلاندىرۋ شارتتارىمەن تانىستىردى. كەزدەسۋ بارىسىندا «ماكسيمۋم» ايو باسشىلىعى ديقانداردىڭ ساۋالدارىنا جاۋاپ بەرىپ، قارجىلاندىرۋ ماسەلەسى قىزۋ تالقىلاندى. ورتالىق قىزمەتكەرلەرىنىڭ  ايتۋىنشا، قۇجاتتار ەشقانداي كوميسسيالىق شىعىندارسىز مۇمكىندىگىنشە ەڭ قىسقا مەرزىمدە قارالادى. ماقۇلدانسا، كەلەر جىلى اقشا بولىنىسىمەن قۇجاتى دايىن ازاماتتارعا بىردەن تاراتىلۋ جوسپارلانۋدا.

قارجىلاندىرۋدىڭ باستى شارتتارى:

• نەگىزگى قارىزدى جانە نەسيە بويىنشا پايىزداردى وتەۋ - مەرزىم سوڭىندا;
• نەسيەنى مەرزىمىنەن بۇرىن قايتارۋ – مەرزىمىنەن بۇرىن تولىق نەمەسە ءىشىنارا قايتارىلعان نەسيە ءۇشىن ايىپپۇل ەسەپتەلمەيدى.

ەگىن ەگۋ-جيناۋ جۇمىستارىنا بولىنەتىن قاراجات جەكە تۇلعالار، شارۋا قوجالىقتارى، جەكە كاسىپكەرلەر جانە زاڭدى تۇلعالارعا باسىم باعىتقا يە بارلىق داقىل تۇرلەرى ءۇشىن بەرىلەدى. نەسيەنىڭ جىلدىق پايىزدىق مولشەرلەمەسى 9%-دى قۇرايدى.

قارجىلاندىرۋ 2 تۇردە جۇزەگە اسىرىلادى:

• 2 ترانشتىق نەسيە جەلىسى;
• بىرمەزەتتىك نەسيە;

كەپىلدىككە جەر تەلىمىن نەمەسە باسقا قوسىمشا كەپىل زاتىن ۇسىنۋعا بولادى.

ايتا كەتەيىك، جەڭىلدەتىلگەن نەسيەگە كەز-كەلگەن شارۋا قول جەتكىزە الادى.

Abai.kz