بۇگىن شىمكەنت قالاسىنداعى اباي ساياباعىندا قر تاۋەلسىزدىگىنىڭ 25 جىلدىعىنا ارنالعان «وزبەك ەتنوسىنىڭ ءتىلى، مادەنيەتى جانە سالت-ءداستۇرى كۇنى» جانە «التىن كۇز» مەرەكەلىك ءىس-شاراسى ۇيىمداستىرىلدى.

سالتاناتتى شارادا وبلىس اكىمىنىڭ ورىنباسارى ۇلاسبەك سادىبەكوۆ، قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى ەرىك وتەمباەۆ ءسوز سويلەپ، قوعامدىق كەلىسىم مەن ەلدىڭ بىرلىگى مەملەكەتىمىزدىڭ باستى بايلىعى ەكەندىگىن اتاپ ءوتتى.

مەرەكەلىك جيىندا ەل بىرلىگىن نىعايتۋعا، مادەنيەتارالىق ديالوگتى جانە قازاقستاندىق ءپاتريوتيزمدى دامىتۋعا قوسقان ەلەۋلى ۇلەسى ءۇشىن بىرقاتار ازاماتتارعا ەلباسىنىڭ قولى قويىلعان «قازاقستان حالقى اسسامبلەياسىنىڭ قوعامدىق «بىرلىك» التىن مەدالى» قوعامدىق ناگراداسى تابىس ەتىلدى. سونىمەن قاتار، ىنتىماقتىڭ ۇيىتقىسى بولىپ جۇرگەن ازاماتتار قازاقستان حالقى اسسامبلەياسىنىڭ جانە وبلىس اكىمى ورىنباسارىنىڭ العىس حاتتارىمەن ماراپاتتالدى. 

ەلدەگى تۇراقتىلىقتى، قازاقستاندىق بىرەگەيلىك پەن بىرلىكتى نىعايتۋ

ماقساتىندا وتكەن شاراعا وزبەكستانداعى قازاق مادەني ورتالىعىنىڭ وكىلدەرى، قازاقستان حالقى اسسامبلەياسىنىڭ مۇشەلەرى، وبلىستىق ەتنومادەني بىرلەستىكتەر توراعالارى، وزبەك ەتنومادەني بىرلەستىگىنىڭ اۋدان، قالالارداعى فيليالى باسشىلارى مەن وكىلدەرى، وزبەك حالقىنىڭ زيالى قاۋىم وكىلدەرى قاتىستى.

"قوعامدىق كەلىسىم" كمم ءباسپاسوز قىزمەتى

Abai.kz