قالا كۇنى مەرەكەسىنە وراي، شىمكەنت قالاسىنداعى №4 وبلىستىق پەريناتالدىق ورتالىعىندا قالانىڭ ەڭ جاس تۇرعىنىن قۇتتىقتاۋ ءراسىمى ءوتتى. وتباسىنىڭ قۋانىشىن بولىسۋگە قالا اكىمى ع.ءابدىراحىموۆ ارنايى كەلدى. 

ايتا كەتەيىك، كوپبالالى انا اقبوتا اسانوۆا وتباسىندا جەتىنشى پەرزەنتىن، ال قالا بويىنشا 22 300-ءشى ءسابيدى دۇنيەگە اكەلدى. ياعني، شىمكەنتتىڭ «ەڭ جاس ازاماتى» – ەرباتىر حانسەيتۇلى. جاس ءسابيدىڭ وتباسىنا قالا اكىمى تۋ تۋرالى كۋالىكتى سالتاناتتى تۇردە تاپسىردى. 

سونداي-اق شىمكەنت قالاسى اكىمدىگى تاراپىنان ازاماتشا ا. اسانوۆاعا گۇل شوعى، بالالارعا ارنالعان قولاربا جانە جاس نارەستەگە ارنالعان سىيلىق تابىس ەتىلدى. 

بۇدان بولەك، قالا اكىمى زەينەتكەر نازىم مامبەتالىنىڭ ۇيىندە بولىپ، بيىل 107 جاسقا تولىپ وتىرعان قالانىڭ ەڭ قارت تۇرعىنىنا ارنايى سىي-سىياپاتىن تابىس ەتتى. ارداقتى انا 1909 جىلى وتىرار اۋدانىندا دۇنيەگە كەلگەن. تىل ەڭبەككەرى ءوزىنىڭ ۇزاق عۇمىرىندا كولحوزدا ەڭبەك ەتكەن. 10 بالادان 31 نەمەرە، 19 شوبەرە ءسۇيدى. 

قالا اكىمى قالانىڭ قارت تۇرعىنىنا تەلەديدار سىيلاپ، وعان زور دەنساۋلىق، جانۇياسىنا باقىت تىلەدى. 

ايتا كەتەيىك، بۇگىندە قالادا جاسى جۇزدەن اسقان 19 ادام تۇرادى. ونىڭ باسىم كوپشىلىگى ەڭبەكشى اۋدانىنىڭ تۇرعىندارى اتالادى. 

شىمكەنت قالاسى اكىمىنىڭ ءباسپاسوز قىزمەتى

Abai.kz