وقو-دا مەملەكەت 2009-2016 جج ارالىعىندا جالپى سوماسى 20,7 ملرد تەڭگەنى قۇرايتىن 13085 جوبانى قارجىلاندىردى. سونىڭ ناتيجەسىندە وبلىس بويىنشا 11 586 ادام جۇمىسپەن قامتىلعان،-دەپحابارلايدى اباي-اقپارات.

ەلباسىمىزدىڭ كاسىپكەرلىكتى قولداۋ جانە دامىتۋعا بايلانىستى ساياساتىن ىسكە اسىرۋ ماقساتىندا وبلىسىمىزدىڭ باسشىلارى جەرگىلىكتى بيۋدجەت ەسەبىنەن قارجى ءبولدىرىپ، جەلتوقسان ايىنداعى دەرەكتەرگە نازار اۋدارساق، «ىرىس» مەكەمەسى ارقىلى زاڭدى تۇلعالارعا، جەكە كاسىپكەرلەرگە، شارۋا قوجالىقتارىنا ءوز كاسىپتەرىن باستاۋعا جانە ءارى قاراي دامىتۋعا ارزانداتىلعان، قولجەتىمدى نەسيە بەرگەن.

«ىرىس» ميكرو قارجى ۇيىمى 2009 جىلى «ماكسيمۋم» ايماقتىق ينۆەستيتسيالىق ورتالىعىنىڭ ەنشىلەس مەكەمەسى بولىپ قۇرىلعان. ۇيىمىنىڭ نەگىزگى ماقساتى – وڭتۇستىك قازاقستان وبلىسىنىڭ الەۋمەتتىك باعىتتاعى سالالارىن نەسيەلەندىرۋ ارقىلى وڭىرىمىزدەگى كاسىپكەرلىكتى دامىتۋعا باعىتتالعان.

مەكەمەنىڭ قارجىلاندىرۋداعى باسىم باعىتتارى: مال بورداقىلاۋ الاڭدارىن قۇرۋ; جانۇيالىق تاۋارلى-ءسۇت فەرمالارىن قۇرۋ; جىلىجاي شارۋاشىلىعىن دامىتۋ; اۋىلشارۋاشىلىق ونىمدەرىن قايتا وڭدەۋ; الەۋمەتتىك ماڭىزى جوعارى جوبالاردى قولداۋ (بالا-باقشا، سپورت كەشەندەرى، اسحانا ت.ب.); كوكتەمگى ەگىن ەگۋ جانە جيناۋ جۇمىستارىن ۇيىمداستىرۋ. جالپى 2009-2016 جج ارالىعىندا جالپى سوماسى 20,7 ملرد تەڭگەنى قۇرايتىن 13085 جوبانى قارجىلاندىردى. سونىڭ ناتيجەسىندە وبلىس بويىنشا 11 586 ادام جۇمىسپەن قامتىلعان.

ونىڭ ىشىندە مال شارۋاشىلىعىن دامىتۋ باعىتىندا 2009-2016 جىلدار ارالىعىندا جالپى سوماسى 14,4 ملرد تەڭگەنى قۇرايتىن 8 211 جوبا قارجىلاندىرىلدى. اتقارىلعان جۇمىستىڭ ناتيجەسىندە 75 مىڭعا جۋىق باس مال بورداقىلاۋ ارقىلى 63 مىڭ تونناعا جۋىق ەت ءونىمى شىعارىلدى. 2016 جىلدىڭ 6 ايىنداعى اتقارىلعان جۇمىستاردىڭ ناتيجەسىندە مال بورداقىلاۋ الاڭدارىن سالۋ ءۇشىن 867,65 ملن تەڭگەگە 331 جوباعا قارجى ءبولىندى. سونداي-اق، شاعىن تاۋارلى ءسۇت فەرمالارىن اشۋ ماقساتىندا قۇنى 55,3 ملن تەڭگەگە 23 جوبا ىسكە استى.

اباي-اقپارات