وڭتۇستىك قازاقستان وبلىسى، ماقتارال اۋدانىنىڭ شارۋالارى 2016 جىلدى تابىستى اياقتاپ وتىر دەپ حابارلايدى اباي-اقپارات ماقتارال اۋدانىنىڭ اكىمى ع. يسمايلوۆ مىرزانىڭ سوزىنە سۇيەنە وتىرىپ. شارۋالار بيىل جىلداعىدان 2-3 ەسە كوپ ءونىم العان.    

Abai.kz اقپاراتتىق پورتالىنىڭ تىلشىسىنە تاۋەلسىزدىكتىڭ 25 جىلدىعىنداعى جەتكەن جەتىستىكتەرىن بايانداعان ع.يسمايلوۆ 1991 جىلى اۋداننىڭ بيۋدجەتى 107,0 مىڭ تەڭگەدەن 2016 جىلى 31 426,0 ملن. تەڭگەگە جەتىپ، 294  ەسەگە ارتقانىن، جالپى ىشكى ءونىم 643,0 ملن. تەڭگەدەن 112 004,1 ملن تەڭگەگە جەتكەنىن اتاپ ءوتتى. سونداي-اق، اۋداندا سوڭعى بەس جىلدا تامشىلاتىپ سۋعارۋ ءادىسى ەندىرىلگەن جەرلەر مەن جىلىجايلاردىڭ القابى ەسەلەپ وسكەنىن اتاپ ءوتتى

2011 جىلى ماقتارالدا تامشىلاتىپ سۋعارۋ ءادىسى 0,4 مىڭ گەكتار جەرگە ەندىرىلگەن بولسا، بۇگىندە 1,6 مىڭ گەكتارعا جەتىپ وتىر. ال، جىلىجايلاردىڭ كولەمى 2011 جىلى 33 گەكتاردى قۇراسا، 5 جىلدىڭ ىشىندە 2,5 جارىم ەسەگە ءوسىپ، جالپى كولەمى 83,6 گەكتارعا جەتكەن. بيىل جىلىجايلار ەسەبىنەن 1500 توننا ءونىم ءوندىرىلىپ، رەسپۋبليكا تۇرعىندارىن قىس جانە ەرتە كوكتەم ۋاقىتىندا ساپالى كوكونىستەرمەن قامتاماسىز ەتۋگە قول جەتكىزىلگەن.

ەگىن شارۋاشىلىعى بويىنشا جۇرگىزىلگەن جۇيەلى ءارتاراپتاندىرۋدىڭ ارقاسىندا 1991 جىلمەن سالىستىرعاندا باقشا داقىلدارىنىڭ كولەمى 20 مىڭ گەكتارعا ارتىپ – 23 مىڭ گەكتاردى، كوكونىس 4,0 مىڭ گەكتارعا ارتىپ – 5,4 مىڭ گەكتاردى، كارتوپ 0,8 مىڭ گەكتارعا ارتىپ – 1,1 مىڭ گەكتاردى قۇراعان. تاۋەلسىزىكتىڭ العاشقى جىلدارى 16,5 مىڭ توننا – كوكونىس، 32,6 مىڭ توننا – باقشا، 1,9 مىڭ توننا – كارتوپ وندىرىلگەن.  ال وسى جىلى 126 مىڭ توننا – كوكونىس، 607,9 توننا – باقشا، 17,1 مىڭ توننا – كارتوپ جينالعان. سونداي-اق، بيىل جوسپار ورىندالىپ، شارۋالار گەكتارىنان 25 تسەنتنەردەن ءونىپ الىپ، تاۋەلسىزدىكتىڭ 25 جىلدىعىنا زور تارتۋ جاساپ وتىر.

«شارۋالاردىڭ ءونىمىن ساقتاپ، ءارى قاراي ساتۋ ءۇشىن قولايلى جاعداي جاساۋ ماقساتىندا 2015 جىلى جەتىساي قالاسىندا «ماقتارال ەكوپرودۋكت» جشس-ءنىڭ سىيىمدىلىعى 3000 توننالىق جانە مىرزاكەنت كەنتىندەگى جك ەردەشوۆقا تيەسىلى 2 مىڭ توننالىق قويمالارى سالىنىپ پايدالانۋعا بەرىلدى» - دەيدى ع.يسمايلوۆ. ودان بولەك، ماقتارالدىڭ قاقپاسىندا ورنالاسقان ازاتتىق اۋىلىنان زاماناۋي ۇلگىدەگى ساۋدا لوگيستيكالىق ورتالىعىنىڭ قۇرىلىسىنا 9 گەكتار جەر رەزەرۆكە الىنعانىن دا اكىم اتاپ ءوتتى.

تاۋەلسىزدىكتىڭ 25 جىلدىعىندا ماقتارال اۋدانىنىڭ ينفراقۇرىلىمىندا دا كوپتەگەن وزگەرىستەر بايقالادى. جالپى، 1991-2016 جىل ارالىعىندا اۆتوموبيل جولدارىنىڭ قاناعاتتانارلىق جاعدايداعى ۇلەسى 55%-دان اسقان. ەگەمەندىكتىڭ العاشقى جىلدارى اۋداننىڭ گازبەن قامتىلۋى 10,6%-دى قۇراسا، بۇگىندە بۇل كورسەتكىش 65%-عا جەتىپ وتىر. سونداي-اق، اۋدان حالقى 100% سۋمەن قامتىلعان.

اباي-اقپارات