وڭتۇستىك قازاقستاندىقتار ءۇشىن جاعىمدى جاڭالىق! www.egov.kz ەلەكتروندىق ۇكىمەت پورتالىنىڭ پايدالانۋشىلارىنا جەكە كابينەتتىڭ جاڭا نۇسقاسى قولجەتىمدى بولدى. بۇل تۋرالى «rgmedia.kz» سايتى حابارلايدى.

ەندى كابينەتتە بۇدان دا ارتىق مالىمەتتەر جانە پايدالى سەرۆيستەر بار.وسىلايشا، پايدالانۋشىعا ءار ءتۇرلى مەملەكەتتىك دەرەكتەر قورلارىنان دەربەس اقپارات قولجەتىمدى بولادى، مىسالى: اكىمشىلىك ايىپپۇلدار، تۇرعىن-ۇيگە كەزەك، نەكەگە تۇرۋ، بالانى تۋ تۋرالى جانە باسقا دا اقپارات گرافيك تۇرىندە بەرىلەدى. ىڭعايلىلىق ءۇشىن جەكە كابينەتتەن مەملەكەتتىك ورگاندار باسشىلارىنىڭ بلوگ-پلاتفورماسىنا، «ازاماتتاردىڭ ءوتىنىشى»، «حقكو كەزەكتى برونداۋ» جانە قىزمەتتەردى الۋ تاريحىنا ءوتۋ جۇزەگە اسىرىلعان.

دەربەس مالىمەتتەردى قورعاۋ ماقساتىندا بارلىق پايدالانۋشىلار ءۇشىناۆتورلانۋ ادىسىنە بايلانىستى قولجەتىمدىلىكتى ءبولۋ ەنگىزىلەدى. دەربەس دەرەكتەرگە تولىق تەك ەلەكتروندىق تسيفرلىق قولتاڭبانىڭ (ەتسق) كومەگىمەن اۆتورلانۋ كەزىندە قول جەتكىزۋگە بولادى، ال لوگين پەن قۇپيا ءسوز بويىنشا تەك جارتىلاي عانا.eGov-تا زاڭدى تۇلعالار ءۇشىن دە جەكە كابينەت پايدا بولدى. ول مەملەكەتتىك ورگانداردىڭ اقپاراتتىق جۇيەلەرىنەن كومپانيا تۋرالى مالىمەتتى قاراۋعا مۇمكىندىك بەرەدى. بۇل رەتتە كومپانيا باسشىسى باسقا قىزمەتكەرلەرگە قول جەتكىزۋ قۇقىعىن اجىراتا الادى.سونىمەن قاتار قورعالعان ەلەكتروندىق ساقتاۋ ورنىن قاراستىرىلعان، مۇندا كەيبىر قۇجاتتاردىڭ كوشىرمەلەرىن جۇكتەۋگە بولادى. بولاشاقتا ەGov پورتالىندا قىزمەتتەردى الۋ كەزىندە ولار ارقاشان قولاستىڭىزدا بولادى.بۇدان باسقا، جەكە كابينەتتە موبيلدىك تەلەفوندى جوعالتۋ جاعدايىندا SIM-كارتاداعى ەتسق-نى ءوز بەتىنشە بۇعاتتاۋ جانە تاپقان كەزدە بۇعاتتان شىعارۋ مۇمكىندىگى پايدا بولدى.

سونىمەن قاتار پايلانۋشىنىڭ جەكە كابينەتىنە ءار ءتۇرلى حابارلامالار كەلەتىن بولادى. مىسالى، سوت ۇدەرىسىنە قاتىسۋى نەمەسە مەملەكەتتىك قىزمەت ءۇشىن اقىنىڭ بيۋدجەتكە ءتۇسۋى تۋرالى. ازامات «اشىق ۇكىمەت» پورتالىنىڭ جاڭارتىلۋى تۋرالى دا حاباردار بولادى. سونداي-اق، جەكە كابينەت ادام ءومىرىنىڭ نەگىزگى وقيعالارىن (بالانىڭ تۋى، نەكە، زەينەتاقىعا شىعۋ جانە ت.ب) قاداعالايدى دا، ءاربىر ومىرلىك جاعدايعا بايلانىستى مۇمكىن بولاتىن قىزىقتى جانە كەرەكتى مەملەكەتتىك قىزمەتتەردى ۇسىنادى.

اباي اقپارات