وڭتۇستىك قازاقستان وبلىسىندا 6 جەلتوقسان - قازاقستان رەسپۋبليكاسىنىڭ پروكۋراتۋراسى كۇنىنە ارنالعان سالتاناتتى جيىن ءوتتى. 

مەرەيلى وتىرىسقا وبلىس əكىمى ج.تۇيمەباەۆ، وبلىستىق ءماسليحاتتىڭ حاتشىسى ق.بالابيەۆ، وبلىس پروكۋرورى ي.يمانوۆ پەن وسى سالادا ەڭبەك ەتكەن ارداگەرلەر قاتىستى. 
ەل ەگەمەندىگىنىڭ 25 جىلدىق مەرەيتويىمەن قوسا، بيىل قر پروكۋراتۋراسىنا دا شيرەك عاسىر تولىپ وتىر. بۇگىن وسى جىلدار ىشىندە مىندەتتەرىن ادال اتقارىپ، قىزمەتىندە جوعارى نəتيجەلەرگە جەتكەن 100-دەن استام سالا قىزمەتكەرلەرى العىسقا بولەنىپ، "قر پروكۋراتۋراسىنا 25 جىل" مەرەكەلىك مەدالىمەن ناگرادتالدى. سونىمەن قاتار، بىرقاتار سالا قىزمەتكەرلەرىنە ارنايى سىنىپتىق شەندەر بەرىلدى. 

جيىندا ءسوز العان ءوڭىر باسشىسى بارشا قۇقىق قورعاۋ ورگاندارىن قوس مەرەيلى مەرەكەمەن قۇتتىقتاپ، وبلىستىق پروكۋراتۋرا قىزمەتكەرلەرىنىڭ وڭىرىمىزدەگى قۇقىقتىق ساياساتتى جۇزەگە اسىرۋ بويىنشا مىندەتتەرىن ويداعىداي اتقارىپ كەلە جاتقانىن جەتكىزدى. 

«يبراھيم ءالجانۇلى، ءسىزدىڭ باستاماڭىزبەن بىرقاتار ماڭىزدى جوبالار ىسكە اسىرىلۋدا. ولاردىڭ ءبىرى - حالىققا قولجەتىمدى «قىلمىستىق قۇقىق بۇزۋشىلىقتار كارتاسى» ازىرلەنىپ، ينتەرنەت جەلىسىندە شىمكەنت قالاسىنىڭ كارتاسى ورنالاستىرىلدى. سونداي-اق، «جەرلەردى ءوز بەتىنشە يەلىك ەتۋدى جويۋ»، «قاۋىپسىز قالا –شىمكەنت»، «مال ۇرلىعىنا توسقاۋىل» جوبالارى بويىنشا دا جەرگىلىكتى اكىمدەر مەن ءتيىستى باسقارما باسشىلارى بىرلەسە جۇمىس جۇرگىزۋدە. اتالعان رەفورمالاردىڭ ءساتتى جۇزەگە اسۋى - ەلىمىزدىڭ جەمىستى دامۋىنا وڭ ىقپالى بولارى ءسوزسىز»، - دەدى ج.تۇيمەباەۆ.

ايتا كەتۋ كەرەك، وڭتۇستىك قازاقستان وبلىسىنداعى اتالعان سالادا 300-دەن پروكۋرور قىزمەت ەتەدى. شيرەك عاسىرلىق تاريحى بار اتالعان قۇقىق قورعاۋ سالاسىنىڭ ۇيىتقى بولۋىمەن ءتۇرلى قىلمىستار اشىلىپ، قۇقىقبۇزۋشىلىقتىڭ الدىن الۋ بويىنشا ءىس-شارالار وتۋدە. ماسەلەن، بۇگىنگى تاڭدا وبلىستىق پروكۋراتۋرادا 12 جوبا اياسىندا ناقتى ءىس شارالار جوسپارلارى جاسالىپ، اتقارىلۋدا. ولاردىڭ قاتارىندا «الاياقسىز قوعام»، «قاۋىپسىز قالا»، «جەرلەردى ءوز بەتىنشە يەلىك ەتۋدى جويۋ مەن شەشۋ جولدارى» جانە تاعى باسقا ماسەلەلەر قامتىلعان.

مۇنان بولەك، تاۋەلسىزدىك جىلدارى پروكۋراتۋرا ورگاندارىنىڭ قۇرىلىمدىق بولىمشەلەرى زاماناۋي تەحنيكالارمەن، قىزمەتتىك عيماراتتارمەن تولىقتاي قامتاماسىز ەتىلدى. سولاردىڭ قاتارىندا وڭتۇستىك وڭىرىندە ارىس، سوزاق اۋداندارى مەن شىمكەنت قالاسىنداعى ەڭبەكشى اۋداندىق پروكۋراتۋرالارىنىڭ عيماراتتارى سالىندى. وبلىستىق پروكۋراتۋرا مەن بىرقاتار اۋداندىق پروكۋراتۋرالاردىڭ عيماراتتارى كۇردەلى جوندەۋدەن ءوتتى.

Abai.kz