مەملەكەت باسشىسى ن.نازارباەتىڭ  «100 ناقتى قادام» ۇلت جوسپارىندا كورسەتىلگەن تاپسىرماسىنا بايلانىستى وڭتۇستىك قازاقستان وبلىسى «اشىق اكىمدىك» دەپ اتالاتىن جاڭا فورماتتا جۇمىس جاساۋعا كوشكەلى بەرى تۇرعىندار تاراپىنان باسشىلارعا پورتال، الەۋمەتتىك جەلى ارقىلى ءوز ساۋالدارىن كوپتەپ جولداۋدا. بۇل تۋرالى «rgmedia.kz» سايتى حابارلايدى.

ماسەلەن سارىاعاش اۋدانىنىڭ تۇرعىنى جۇزىمدىك اۋىلدىق وكرۋگىنىڭ وڭتۇستىك، جۇزىمدىك ەلدى مەكەندەرىنە اعىن سۋ كەلەتىن «اششىساي» كانالىن مەحانيكالىق تازالاۋدان وتكىزۋدى باسشىلاردان سۇرانىپتى. سالاعا جاۋاپتى ماماندار ازاماتتىڭ ساۋالىن جاۋاپسىز قالدىرماي  دەرەۋ ىسكە كوشتى. ناتيجەسىندە اتالمىش اۋىلدىق وكرۋگىنىڭ وڭتۇستىك، جۇزىمدىك ەلدى مەكەندەرىنە اعىن سۋ كەلەتىن «اششىساي» كانالىن مەحانيكالىق تازالاۋدان وتكىزۋ جۇمىستارى جاسالىنىپ،  كانالدىڭ ون ەكى شاقىرىمى تولىق تازالاندى.

مامانداردىڭ وپەراتيۆتى جۇمىسىنا رازى بولعان تۇرعىندار جاڭا جوبانىڭ ءتيىمدى ەكەننى كوز جەتكىزۋدە. ايتا كەتەيىك، «اشىق اكىمدىك»  - اكىمدىك تاپارىنان قابىلداناتىن شەشىمدەردىڭ اشىقتىعىن قامتاماسىز ەتىپ، حالىققا بارلىق مەملەكەتتىك قىزمەتتەردى اشىق جانە كەدەرگىسىز الۋعا مۇمكىنشىلىك جاساپ وتىر. سونداي-اق بولاشاقتا بارلىق مەملەكەتتىك قىزمەتتەر اۆتوماتتاندىرىلعان جۇيەگە كوشپەك، ياعني ەلەكتروندى قىزمەتتەر پورتالى جۇمىس جاساپ، اكىمشىلىك بارەرلەر جويىلاتىن بولادى.  ناتيجەسىندە قوعام اراسىندا دەندەپ كەتكەن سىبايلاس جەمقورلىقتىڭ تىيىلۋىنا سەپتىگىن تيگىزبەك. 

Abai.kz