شاردارا اۋداندىق اكiمدiگiنiڭ ءماجiلiس زالىندا قازاقستان رەسپۋبليكاسى تاۋەلسiزدiگiنiڭ 25 جىلدىعى قارساڭىندا قول جەتكەن جەتiستiكتەردi ناسيحاتتاۋ ماقساتىندا وتكەن سەمينارعا وبلىستىق iشكi ساياسات باسقارماسىنىڭ مامانى يساحان گۇلجاۋھار سەرiكقىزى مەن وبلىستىق اقپاراتتىق-ناسيحاتتىق توپ مۇشەسi, وڭتۇستiك قازاقستان مەملەكەتتiك پەداگوگيكالىق ينستيتۋتىنىڭ دوتسەنتi, تاريح عىلىمدارىنىڭ كانديداتى انارباەۆ قايرات ساپارحانۇلى قاتىستى. سەميناردى اۋدان اكiمi اپپاراتىنىڭ باسشىسى ع.امانتاي اشىپ، تاۋەلسiزدiك جىلدارى اتقارىلعان اۋقىمدى جۇمىستار ەلباسىمىزدىڭ جۇرگiزگەن سارابدال دا ساليقالى ساياساتىنىڭ ناتيجەسi ەكەنiن ايتىپ ءوتتi. بۇل تۋرالى شاردارا اۋدانى اكىمدىگىنىڭ ءباسپاسوز قىزمەتى حابارلادى.

ءبىر ايتا كەتەرى، «اشىق اكىمدىك» جوباسى اياسىندا قازىر اتقارۋشى ورگاندار جۇمىسىنىڭ اشىقتىعى، جاريالىعى قامتاماسىز ەتىلۋدە. سەميناردا ءسوز العان انارباەۆ قايرات «قازاقستان رەسپۋبليكاسى تاۋەلسiزدiگiنiڭ 25 جىلدىعىندا سالالار بويىنشا رەسپۋبليكادا، ونىڭ iشiندە وڭتۇستiك قازاقستان وبلىسىندا جەتكەن جەتiستiكتەر» تاقىرىبى توڭiرەگiندە حابارلاما جاسادى. كەڭەس وداعى كەزiندەگi بiر-بiرiمەن بايلانىستا بولعان ەلدەردiڭ ەگەمەندiك العاننان كەيiن بiردەن العا جىلجۋى قيىن بولعان ساتتە ەلباسىمىزدىڭ 2030 جىلى باسەكەگە قابiلەتتi 50 ەلدiڭ دەڭگەيiنە جەتۋدi العا ماقسات ەتiپ قويعان ستراتەگيالىق باعدارلاماسى جاسالعانىن، ول مەرزiمiنەن بۇرىن ورىندالىپ، قازiرگi تاڭدا 2050 جىلى 30 ەلدiڭ قاتارىندا بولۋ ءۇشiن باعدارلامالار جاسالىنىپ، ول iس جۇزiندە اتقارىلىپ جاتقاندىعىن ايتتى. استانانى اۋىستىرۋدىڭ ساياسي عانا ەمەس، ەكونوميكالىق ماڭىزى بولعاندىعىن، قازاقستان حالىقتارىنىڭ اسسامبلەياسىنىڭ قۇرىلۋى، تاتۋلىقتى، تىنىشتىقتى ساقتاۋ، يادرولىق قارۋدان ساقتانۋ، استانادا ءتۇرلi دiن وكiلدەرiنiڭ سەزدەرiنiڭ ءوتۋi, كوپ ۇلتتى ەلدiڭ تiلi, دiنi, ادەت-عۇرپى، سالت-ءداستۇرi ساقتالعان، وڭتۇستiك ءوڭiرi ارقاشان ەلباسىنىڭ نازارىندا بولعانىن ايتىپ ءوتتi. اۋداندىق iشكi ساياسات ءبولiمiنiڭ مامانى ا.الiبەكوۆ تاۋەلسiزدiك جىلدارى اۋداندا كوپتەگەن iس-شارالار قولعا الىنىپ، جۇزەگە اسىرىلعانىن، «تۇڭعىش پرەزيدەنت»، «تاۋەلسiزدiك»، «شەجiرە»، «تىڭ يگەرۋشiلەر» جانە «بەكزات ساتتارحانوۆ» ساياباقتارى اشىلىپ، حالىققا قىزمەت كورسەتiپ جاتقانىن جەتكiزدi. «تۇڭعىش پرەزيدەنت» ساياباعىندا ۇوس ارداگەرiنە ارنالىپ مونۋمەنت تاقتا ورناتىلسا، «شەجiرە» ساياباعىندا تولە بي، قازىبەك بي جانە ايتەكە بيگە ارنالىپ ەسكەرتكiش پەن مەملەكەتتiك رامiزدەر الاڭى اشىلعانىن، تاۋەلسiزدiك جىلدارىندا اۋداندا 7 ۇكiمەتتiك ەمەس ۇيىم مەن 16 دiني بiرلەستiكتەر، قوعامدىق كەڭەس، قوعامدىق كەلiسiم كەڭەسi جانە 22 جاستار ۇيىمدارى قۇرىلىپ، جۇمىستار جۇيەلi جۇرگiزiلiپ جاتقانىن ايتىپ ءوتتi. بايانداماشى اۋدانعا ينۆەستيتسيا تارتۋ، ونەركاسiپ، شاعىن كاسiپكەرلiك، تۋريزم، اۋىل شارۋاشىلىعى، جۇمىسپەن قامتۋ مەن ەڭبەك نارىعى سالالارى بويىنشا اتقارىلعان جۇمىستارعا توقتالدى.
اۋداندىق قوعامدىق كەلiسiم كەڭەسiنiڭ توراعاسى ق.Iلەسوۆ كەشەگi كەڭەس وداعى كەزەڭi مەن قازiرگi تاۋەلسiزدiك العاننان كەيiنگi جەتiستiكتەرiمiزدi سالىستىرا وتىرىپ اڭگiمەلەسە، تاۋەلسiزدiك العان جىلى دۇنيەگە كەلگەن اۋداندىق ەمحانانىڭ دارiگەر-ستاتيستi گۇلزيرا ساعىندىقوۆا تاۋەلسiزدiگiمiزدiڭ قۇرداسى ەكەندiگiن ماقتانىشپەن ايتا كەلiپ، بۇگiنگi تاڭدا جاستاردىڭ شارۋاشىلىقتىڭ ءار سالاسىندا ءوز قالاۋىمەن جۇمىس جاساپ جاتقاندىعى تاۋەلسiزدiگiمiزدiڭ جەتiستiگi ەكەندiگiن اتاپ ءوتتi.
سەميناردى اۋدان اكiمi اپپاراتىنىڭ باسشىسى ع.امانتاي قورىتىندىلاپ، وبلىس ورتالىعىنان كەلگەن قوناقتارعا اۋدان باسشىسى اتىنان العىس ايتتى.

Abai.kz