وڭتۇستىك قازاقستان وبلىسى، سارىاعاش اۋدانىندا بۇگىندە 1891 گەكتار ءجۇزىم القابى بار. ونىڭ ءونىم بەرەتىن 1648 گەكتارىنان شارۋالار بيىل 13184 توننا ءونىم الىپ وتىر. بيىلعى ورتاشا ونىمدىلىك گەكتارىنا 80 تسەنتنەردى قۇراعان، - دەپ حابارلايدى وقو اكىمىنىڭ ءباسپاسوز قىزمەتى.

جينالعان ءجۇزىمنىڭ 4 313 تونناسى اسحانالىق بولسا، 8871 تونناسى تەحنيكالىق سورتتار. بيىل جىلداعىدان مول ءونىم الىپ وتىرعاندىعىن ايتقان ديقاندار جينالعان 8871 توننا تەحنيكالىق ءجۇزىم سورتىن اۋدانداعى «Caspian Food» جشس-گى مەن «سەميرەچە» جشس-ءنىڭ شاراپ زاۋىتتارىنا وتكىزگەنىن ايتۋدا. ال قالعان ءونىم ىشكى نارىققا جانە ەلىمىزدىڭ باسقا وبلىستارى مەن 500 تونناسى رەسەي فەدەراتسياسىنا جونەلتىلگەن.

ايتا كەتەيىك، وتكەن جىلى 1648 گا ءجۇزىم القابىنان 13 مىڭ توننا ءونىم الىندى. ورتاشا ونىمدىلىك 79,2 تسن/گا بولعان.

ءجۇزiمدi باپتاۋ جانە قايتا وڭدەۋ - جۇمىسشىلار مەن مامانداردىڭ ارنايى بiلiمiن، تاجiريبەسiن جانە كاسiبي داعدىسىن قاجەت ەتەتiن كۇردەلi, ەڭبەك كوپ جۇمسالاتىن تەحنولوگيالىق ۇدەرىس. «سارىاعاش جەر سىيى» جشس-دە فرانتسيادان 17 مىڭعا تارتا الاسا سۇرىپتى كوشەتتەر الىنعان. بۇل ەگىستىكتىڭ جالپى كولەمى 54 گەكتارعا سوزىلىپ جاتىر. وسى ەگىستىكتە جۇمىس ىستەۋدىڭ ءوزى وڭاي شارۋ ەمەس. كوشەتتەردى وتىرعىزۋ، ولاردى كۇتىپ باپتاۋ، ءونىمىن الۋ وتە كۇردەلى ءارى جاۋاپتى جۇمىس. ونىڭ ۇستىنە بۇل ءبىزدىڭ ەلدەگى ءداستۇرلى اعاشتان ءونىم الۋ ەمەس، بۇنىڭ ەرەكشەلىگى سوندا، قورتىق اعاشتار دەپ اتالۋىندا. ولاردىڭ بويىنىڭ ۇزىندىعى ارى كەتسە 2-2.5 مەترگە عانا جەتەدى. وڭتۇستىك قازاقستان وبلىسىندا ءجۇزىم شارۋاشىلىعى جاقسى جولعا قويىلعان.

وڭتۇستىك ءوڭىرىنىڭ تۇرعىندارى باۋ-باقشانى كەڭەيتىپ، جۇزىمدىكتى مولايتۋمەن اينالىسادى. 2013 جىلدىڭ باسىندا جاڭا تۇقىمدىق ونىمدەر الىنعان. 2013 جىلى ءجۇزىم شارۋاشىلىعىن نىعايتۋ ماقساتىندا ۇكىمەتتەن 513 ملن. تەڭگە مەملەكتتىك سۋبسيديا الىنىپ وتىر. جەكە شارۋاشىلىق سەرىكتەستىگى 545 گەكتار ءجۇزىم مەن 115 گەكتار كوشەت اعاشتارىن وتىرعىزدى. بۇل ايماقتa تەك ءجۇزىم، الما عانا ەمەس الشا، ليمون، انار، بانان، كيۆي جانە ت.ب. ونىمدەرىن وندىرۋگە دە جول اشقان. ونىڭ ۇستىنە وسى ايماقتىڭ اۋا رايى وتە قولايلى، حالقى ەڭبەكقور. باۋ-باقشا مەن ءجۇزىم شارۋاشىلىعىنىڭ كوبەيە ءتۇسۋى نارىقتا ۆيتاميندىك ءونىمنىڭ سۇرانىسىنىڭ ارتۋىنا، سونداي-اق وتاندىق شىرىن، شاراپتىڭ وندەلۋىنە دە كوپ مۇمكىندىك اشىپ وتىر.

Abai.kz