جۇما, 29 ناۋرىز 2024
قوعام 4923 0 پىكىر 30 قاراشا, 2016 ساعات 11:03

قالامگەرىن ارداقتادى اق جايىق…

باتىس قازاقستان وبلىسىنىڭ اكىمى التاي كولگىنوۆ كورنەكتى جازۋشى-دراماتۋرگ، قازاقستاننىڭ ەڭبەك سىڭىرگەن قايراتكەرى، «پاراسات» وردەنىنىڭ، حالىقارالىق شىڭعىس ايتماتوۆ  جانە ماحامبەت سىيلىقتارىنىڭ يەگەرى راحىمجان وتارباەۆتى 60 جاسقا تولۋىنا وراي قابىلداپ، قۇرمەت كورسەتتى، - دەپ حابارلايدى "اتىراۋ" وبلىستىق گازەتى. ءوڭىر باسشىسى راحىمجان وتارباەۆتىڭ قازاق ادەبيەتىنە قوسقان ۇلەسى مول ەكەندىگىن، سونىمەن قاتار تاڭداۋلى تۋىندىلارى شەت ەلدەر تىلدەرىنە اۋدارىلىپ، جوعارى باعالانىپ وتىرعاندىعىن اتاپ ايتتى. الداعى ۋاقىتتا دا شىعارماشىلىق قىزمەتىندە تابىستارعا جەتۋىنە تىلەكتەستىگىن ءبىلدىرىپ، يىعىنا شاپان جاپتى.

راحىمجان وتارباەۆتىڭ جاس-تىق شاعى اق جايىق وڭىرىمەن تىعىز بايلانىستى. اتىراۋ وبلىسىنىڭ قۇرمانعازى اۋدانىندا دۇنيەگە كەلگەن راحىمجان ورال پەداگوگيكالىق ينستيتۋتىندا ءبىلىم الدى. الدىمەن، اقىن رەتىندە كورىنگەن ول ينستيتۋت بىتىرمەي-اق وبلىستىق «ورال ءوڭىرى» گازەتى رەداكتسياسىندا  ەڭبەك جولىن باستادى.

تۋعان جەرىندە قازاق ءتىلى مەن ادەبيەتى ءپانىنىڭ مۇعالىمى بولعان ول كەيىن الماتىعا قونىس اۋدارىپ، قازاق تەلەراديوكوميتە-تىندە، «قازاق ادەبيەتى» گازەتى مەن «جالىن» الماناعىندا قىزمەت اتقاردى. قىرعىزستاندا قازاقستان ەلشىلىگىنىڭ اتتاشەسى، ماڭ-عىستاۋ وبلىستىق راديوتەلەحابار كومپانياسىنىڭ توراعاسى، ماحامبەت اتىنداعى اتىراۋ وبلىستىق قازاق دراما تەاترىنىڭ ديرەكتورى، قر پرەزيدەنتى اكىمشىلىگىنىڭ سەكتور مەڭگەرۋشىسى، استاناداعى ۇلتتىق اكادەميالىق كىتاپحانانىڭ باس ديرەكتورى بولعان قالامگەر قازىرگى كەزدە اتىراۋ قالاسىندا تۇرادى.

24 قاراشا كۇنى كەزىندە ءوزى ءبىلىم العان قارا شاڭىراق – قازىرگى م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىندە قالامگەر شىعارماشىلىعىنا ارنالعان رەسپۋبليكالىق عىلىمي-تاجىريبەلىك كونفەرەنتسيا ءوتتى. سونداي-اق، وبلىستىق قازاق دراما تەاترىندا «جاڭگىر حان» دراماسى قويىلدى. جۋىردا تۇركيادا جازۋشىنىڭ «اق كوبەلەكتەر» اڭگىمەلەر جيناعى مەن «باس» رومانىنىڭ تانىستىرىلىمى بولىپ، ءوزى قازاقستان ەلشىلىگىنىڭ «قازاقستان-تۇركيا» باۋىرلاستىق مەدالىمەن جانە «TURKSOY» تاعايىنداعان «Haldun Taner» حالىقارالىق مەدالىمەن ماراپاتتالدى.

قازاق قالامگەرىن ماسكەۋ ادەبيەتشىلەر قاۋىمى دا جوعارى باعالاپ وتىر. بۇعان دەيىن رەسەي بەيبىتشىلىك قورىنىڭ «جەمىستى بەيبىتشىلىك شىعارماشىلىعى ءۇشىن» التىن مەدالىمەن ماراپاتتالعان راحىمجان وتارباەۆ ستۋدەنتتىك شاعى وتكەن اق جايىق وڭىرىنە كەلە جاتقان جولدا يۆان بۋنين اتىنداعى حالىقارالىق ادەبي سىيلىعىن يەلەنگەنىن ەستىپتى.

جازۋشى-دراماتۋرگتىڭ ايتۋىنشا، استانا قالاسىنداعى قاليبەك قۋانىشباەۆ اتىنداعى اكادەميالىق قازاق مۋزىكالىق دراما تەاترى ەل تاۋەل-سىزدىگىنىڭ 25 جىلدىعىنا وراي ونىڭ «امىرە» پەساسىن قويماقشى. ءوزى «التىن ادامنىڭ ويانۋى»، «اقىرزامان» اتتى روماندارىن جازۋ ۇستىندە.

ايتا كەتەيىك، قالامگەردىڭ ءار جىلدارى «شەر»، «جۇلدىزدار قۇلاعان جەر»، «جايىق جىرى»، «قاراشا قازدار قايتقاندا»، «داۋىسىڭدى ەستىدىم»، «وتۆەرجەننىي مير» سەكىلدى پروزالىق جيناقتارى مەن تاڭدامالى شىعارمالارىنىڭ قوس تومدىعى جارىق كورگەن. تۋىندىلارى ورىس، تۇرىك، اراب، قىتاي، اعىلشىن تىلدەرىنە اۋدارىلىپ، كىتاپ بولىپ باسىلعان. سونداي-اق، «بەيبارىس سۇلتان»، «باس»، «ناشاقور جايلى نوۆەللا»، «نۇرجاۋعان عۇمىر»، «سىرىم باتىر»، «مۇستافا شوقاي» سىندى پەسالارى رەسپۋبليكالىق جانە شەت ەل تەاترلارىندا ساحنالانعان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624