جۇما, 29 ناۋرىز 2024
جاڭالىقتار 4023 0 پىكىر 30 قاراشا, 2016 ساعات 10:44

قازىعۇرتتا جاڭا كوپىر پايدالانۋعا بەرىلدى

قوس مەرەكە قارساڭىندا - ەل تاۋەلسىزدىگىنە 25 جىل، 1 جەلتوقسان – تۇڭعىش پرەزيدەنت كۇنىنە وراي، «25 جىلدىققا – 25 يگى ءىس» شاراسى اياسىندا التىنتوبە اۋىل وكرۋگى قوساعاش ەلدى مەكەنىندە جاڭا كوپىر پايدالانۋعا بەرىلدى. بۇل اۋدان كولەمىندە تاۋەسىزدىك جىلدارى سالىنعان 8-ءشى اۆتوكولىك جۇرەتىن كوپىر.

راس، ءبىراز جىلداردان بەرى ورتالىقپەن 1500-گە جۋىق حالىق تۇراتىن قوساعاش اۋىلىن قوساتىن كوپىردىڭ بولماۋىنان قارجان وزەنىنەن ءوتۋ مۇڭ بولاتىن.

مىنە، بيىل سول كوپىر سالۋدىڭ ءساتى ءتۇستى. وبلىستىق بيۋدجەتتەن 126,5 ملن. تەڭگە قارجى ءبولىنىپ، ونى «ارسەنال-يۋگ» جاۋاپكەرشىلىگى شەكتەۋلى سەرىكتەستىگى قولعا الىپ، بەلگىلەنگەن مەرزىمدە ەل يگىلىگىنە ۇسىنىپ وتىر. كوپىر بۇگىنگى تالاپقا ساي. ۇزىندىعى 90 مەتر، ەنى 8 مەتر. ءتۇرلى كولىكتەردىڭ جايلى وتۋىنە جاعداي جاسالعان.

كوپىردىڭ اشىلۋ سالتاناتىنا اۋدان اكىمى تولەگەن تەلعاراەۆ قاتىسىپ، كوپىر سالۋعا اتسالىسقان اۋىل ازاماتتارىنا، قۇرىلىسشىلارعا العىسىن ءبىلدىردى.

ايتا كەتكەن ءجون، اۋداننىڭ ەلدى مەكەندەر اراسىنا الداعى 2020 جىلعا دەيىن تاعى 4 كوپىر سالۋ جوسپارلانىپ وتىر. الداعى ۋاقىتتا بۇل اۆتوكولىك جۇرەتىن كوپىرلەر سالىناتىن بولسا، وندا اۋدان كولەمىندە كوپىرلەر سانى 28-گە جەتەتىن بولادى. 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616