قر پرەمەر-ءمينيسترىنىڭ ءبىرىنشى ورىنباسارى اسقار مامين جۇمىس ساپارىمەن ماڭعىستاۋ وبلىسىنا بارىپ، قۇرىق پورتىنداعى پاروم كەشەنىنىڭ قۇرىلىس بارىسىن تەكسەردى، - دەپ حابارلايدى اباي-اقپارات.

«نۇرلى جول» باعدارلاماسىنىڭ جوباسىن «قازاقستان تەمىر جولى» ۇك» اق جۇزەگە اسىرادى.

قر ءبىرىنشى ۆيتسە-پرەمەرىنە قۇرىق پورتىنىڭ العاشقى ىسكە قوسۋ كەشەنى نىساندارىنىڭ قورىتىندىلاۋشى كەزەڭى تۋرالى مالىمەت بەرىلدى.

ەرساي ستانساسىنان باستاپ قۇرىق پورتىنا دەيىن ۇزىندىعى 12 شاقىرىمنان استام كىرمە تەمىرجول ۋچاسكەسىندە رەلسشپالدىق تورلار تولىق توسەلدى. جولدى قيىرشىق تاستارمەن باللاستتاۋ جۇمىستارى اياقتالدى. 4,3 ملن م3 كولەمدە جەر ويىپ الىندى. سونداي-اق، 400 مىڭ توننا كولەمدە بۋت تاسىنان باتىس قورعاۋ مولىن سالۋ جۇمىستارى اتقارىلدى. 525 مىڭ م3 توپىراق كولەمىندە پورتتىڭ كىرەبەرىس كانالى مەن اكۆاتوريانىڭ تۇبىن تەرەڭدەتۋ جۇمىستارى اياقتالدى.

10 كۆت سىرتقى ەلەكترمەن جابدىقتاۋ جەلىلەرى سالىندى. كوتەرمەلى-وتپەلى كوپىر سالۋ جۇمىستارى جۇرگىزىلىپ جاتىر. قۇرىق پورتىنىڭ العاشقى ىسكە قوسۋ كەشەنى نىساندارى اعىمداعى جىلدىڭ سوڭىنا دەيىن پايدالانۋعا بەرىلەدى.

«قۇرىق پورتىنداعى پاروم كەشەنى ترانسكاسپي حالىقارالىق كولىك باعدارىنىڭ كولىك-لوگيستيكالىق جۇيەسىنىڭ ماڭىزدى ءبولىمى بولىپ تابىلادى. ول قازاقستاننىڭ ترانزيتتىك-كولىك الەۋەتىن دامىتۋعا قۋاتتى سەرپىن بەرەدى جانە «جاڭا جىبەك جولى» جوباسىن جۇزەگە اسىرۋعا سەپتىگىن تيگىزەدى»، - دەدى ا. مامين.

قۇرىق پورتىنداعى پاروم كەشەنى تاۋلىگىنە بەس پارومعا قىزمەت كورسەتەدى، وسىلايشا جىلىنا 4 ملن توننا كولەمدە جۇكتەردى وڭدەۋدى قامتاماسىز ەتەدى.

اباي-اقپارات