«قازاقستانعا سۇيىسپەنشىلىكپەن» فوتوبايقاۋىنىڭ قورىتىندىسى شىقتى، - دەپ حابارلايدى اباي-اقپارات.

بايقاۋعا 98 قاتىسۋشىدان 655 فوتوجۇمىس كەلىپ تۇسكەن.  قاتىسۋشىلار اراسىندا كاسىبي فوتوگرافتار دا، اۋەسقوي فوتوگرافتار دا بار.  ءادىل قازىلار قۇرامىنا ۇيىمداستىرۋشىدان 1 ادام، باس دەمەۋشى 1 ادام، فوتوبايقاۋ دەمەۋشىسى 1 ادام، Atameken Business Channel 1 ادام جانە ولاردىڭ قاتارىنا تاعى ەكى كاسىبي فوتوگراف قوسىلىپ، جەڭىمپازداردى انىقتادى.

ودان بولەك، قازىلار القاسى ىرىكتەگەن 100 ۇزدىك فوتو «كورەرمەن كوزايىمى» اتالىمىنا قاتىستىرىلدى.  وسى اتالىمنىڭ جەڭىمپازىنا «بالقاش» ەمدەۋ-ساۋىقتىرۋ كەشەنىندە دەمالۋعا، 2 ادامعا ارنالعان 7 كۇندىك جولداما بەرىلدى. جەڭىمپاز «اتامەكەن» ۇلتتىق كاسىپكەرلەر پالاتاسىنىڭ Facebook الەۋمەتتىك جەلىسىندەگى رەسمي پاراقشاسىندا (#مەنقازاقستاندىجاقسىكورەمىن بىرىڭعاي حەشتەگى اياسىندا) 2016 جىلعى 11 قازان مەن 11 قاراشا ارالىعىندا وتكىزىلگەن اشىق داۋىس بەرۋ ناتيجەسىندە انىقتالدى.

جەڭىمپازداردىڭ ءبىرى – «Almaty region field» جۇمىسىن ۇسىنعان الەكساندر ۆلاسيۋك.

الەكساندر ۆلاسيۋك الماتى قالاسىنىڭ تۇرعىنى.  سۋرەتكە تۇسىرۋگە بالا كەزىنەن قۇشتار، ال كاسىبي تۇردە بۇل ىسپەن 2006 جىلدان باستاپ اينالىسىپ كەلەدى.  ءفوتوتۇسىرىلىمنىڭ بارلىق جانرلارىن: تابيعات كورىنىسى، پورترەت (سونىڭ ىشىندە بالالاردىڭ پورترەتى), ساۋلەت، ناتيۋرمورت، ينتەرەر، رەپورتاجدى ءتۇسىرىلىم، ستۋديالىق پورتفوليو قامتيدى دەسە بولادى. الەكساندر فوتوبايقاۋدى ۇيىمداستىرۋشىلار ۇسىنعان سىيلىقتى جەڭىپ الدى، ياعني قازاقستان رەسپۋبليكاسى پرەزيدەنتى ءىس باسقارماسى وعان «الماتى Resort» مەديتسينالىق ورتالىعىنىڭ شيپاجايىنا 2 ادامعا ارنالعان 7 كۇندىك دەمالىس جولداماسىن بەردى.

فوتوبايقاۋدىڭ كەلەسى جەڭىمپازى – يليا افاناسەۆ.

يليا الماتى قالاسىنىڭ كاسىبي فوتوگرافى.  2015 جىلى Nikon Ambassador Kazakhstan مارتەبەسىنە يە بولعان. قازاقستاننىڭ كاسىبي فوتوگرافتارى قاۋىمداستىعىنىڭ مۇشەسى، «ۆىسترەلى ۆ گولوۆۋ»، «پروLog» جوبالارىنىڭ اۆتورى، «التىن وبەكتيۆ – 2015»، «التىن وبەكتيۆ – 2014»، «كوكتەمگى قازاقستان – 2013» فوتوبايقاۋلارىنىڭ جەڭىمپازى.

يليانىڭ جۇمىستارىندا ورتا ازيا مەن قازاقستاننىڭ تاڭعاجايىپ تابيعاتى بەينەلەنگەن. يليانىڭ يمپرەسسيونيزم قاعيداسىنا نەگىزدەلگەن  «بوزجىرا شاتقالى» اتتى جۇمىسىندا دا سۇلۋ تابيعات كورىنىس بەرگەن. يلياعا فوتوبايقاۋدىڭ باس دەمەۋشىسى – SCAT اۋەكومپانياسى الماتى-سيان-الماتى باعىتى بويىنشا ەكى ادامعا ارنالعان ۇشۋ جولداماسىن تارتۋ ەتتى.

فوتوبايقاۋدىڭ ءۇشىنشى جەڭىمپازى – گۇلنار اڭساعانوۆا.

قوستاناي قالاسىنىڭ تۋماسى بايقاۋدا «بالالىق شاق» جۇمىسى ارقىلى جەڭىمپاز اتاندى. ول ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا فاكۋلتەتىنىڭ 4 كۋرس ستۋدەنتى.   گۇلنار – اۋەسقوي فوتوگراف. التى جىل بۇرىن اكەسى العاشقى فوتواپپاراتىن سىيلاعاننان بەرى سۋرەتكە تۇسىرۋمەن اۋەستەنىپ كەلەدى. فوتوگرافيا سالاسىنىڭ بارلىق جانرلارى وعان جات بولماعانىمەن، بارىنەن دە ادامداردى سۋرەتكە تۇسىرگەندى قۇپ كورەدى ەكەن.

Facebook الەۋمەتتىك جەلىسىندەگى «اتامەكەن» ۇكپ-نىڭ رەسمي اككاۋنتىنىڭ پاراقشاسىندا "  (#مەنقازاقستاندىجاقسىكورەمىن بىرىڭعاي حەشتەگى اياسىندا) 2016 جىلعى 11 قازاننان 11 قاراشاعا دەيىنگى ارالىقتا جۇرگىزىلگەن اشىق داۋىس بەرۋ قورىتىندىسى بويىنشا «Piligrims» جۇمىسىمەن ەلەنا چۋيكوۆا جەڭىمپاز اتاندى (217 داۋىس جيناعان).

ەلەنا قازاقستاننىڭ تۋماسى بولعانىمەن (وسكەمەن قالاسى), ريگا قالاسىندا (لاتۆيا) تۇرادى.  ول كاسىبي فوتوگراف، بالالار جانە وتباسىلىق فوتوگرافتار قاۋىمداستىعىنىڭ مۇشەسى.  ەلەنانىڭ ءباسپاسوز-قىزمەتىندە فوتوگراف رەتىندە جۇمىس ىستەگەن تاجىريبەسى بار. بۇگىندە ول وتباسىلىق فوتوگرافيانىڭ جاڭا باعىتى – زاماناۋي «لايفستايل» ستيلىندە جۇمىس ىستەيدى. ومىرلىك ءمانى بار جايتتاردى زەرتتەگەندى، سۋرەتكە تۇسىرگەندى ۇناتادى.

«كورەرمەن كوزايىمى» اتالىمىندا جەڭىسكە جەتكەن ەلەناعا فوتوبايقاۋدىڭ دەمەۋشىسى – قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعى «بالقاش» ەمدەۋ-ساۋىقتىرۋ كەشەنىنە 2 ادامعا ارنالعان 7 كۇندىك دەمالىس جولداماسىن تارتۋ ەتتى.

اباي-اقپارات