2017 جىلدىڭ 2 ناۋرىزىندا ەرەۆان مەملەكەتتىك ۋنيۆەرسيتەتىندە پرەزيدەنت ن.نازارباەۆتىڭ قازاقستان حالقىنا ارناعان ءداستۇرلى جولداۋىن ناسيحاتتاۋعا ارنالعان «مەملەكەتتىك رەفورمالار مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» تاقىرىبىندا جانە ەلىمىزدەگى كونستيتۋتسيالىق وزگەرىستەرگە ارنالعان «دوڭگەلەك ۇستەل» وتكىزىلدى.

بۇل «دوڭگەلەك ۇستەلدىڭ» جۇمىسىنا ارمەنيانىڭ مەملەكەتتىك ورگاندارى، اكادەميالىق، ساراپتاۋ جانە ىسكەر توپتارى مەن جەرگىلىكتى بۇقارالىق اقپارات وكىلدەرى قاتىستى. دوڭگەلەك ۇستەلدىڭ وزەكتىلىگى - وسى جىلدىڭ ءساۋىر ايىندا ارمەنيادا وتەتىن پارلامەنتتىك سايلاۋ بارىسىندا ەلدىڭ جاڭا قابىلدانعان اتا زاڭىنا ەنگىزىلگەن وزگەرىستەرىنە سايكەس، ەلدىڭ پارلامەنتتىك باسقارۋىنا كوشۋىمەن انىقتالادى.

قازاقستان ەلشىسى تيمۋر ورازاەۆ دوڭگەلەك ۇستەلدى اشىپ، قاتىسۋشىلاردى ەلىمىزدىڭ سىرتقى جانە ىشكى وزەكتى ساياساتىمەن تانىستىرىپ، قازىرگى ۋاقىتتاعى ىسكە اسىرۋ نەگىزگى باعىتتارىمەن تانىستىردى. سونىمەن قاتار، ەلدىڭ ەكونوميكاسىن كەشەندى جەتىلدىرۋ جانە كونتيتۋتسيالىق ۇلگىنىڭ لوگيكالىق جاڭارتۋ ستراتەگياسى باسەكەلىككە قابىلەتتى جاھاندانۋ مەن حالىقارالىق كووپەراتسيا جاعدايىندا جالعاستىرىلاتىنىن اتاپ ءوتتى. بۇل جاڭالىق ءبىزدىڭ ەلباسىمىزدىڭ بيلىكتى باسقارۋ وكىلدىگىن قايتا بولۋىمەن، بۇعان قوسا جولداۋدىڭ باستى باعىتتارىمەن ەلىمىزدىڭ ەكونوميكالىق تۇزەتىمىنە شارتتالعان.

دوڭگەلەك ۇستەلدە ءسوز العان ارمەنيا پارلامەنتىنىڭ دەپۋتاتى ا.بابۋحانيان قوعامدىق جوسپارلاۋ نەگىزىندە جانە قابىلدانعان شەشىمدەردىڭ پراكتيكالىق ىسكە اسىرۋىندا قازاقستانداعى العا باعىتتالعان جاعىمدى دامۋدى اتاپ ءوتتى. وسى باستامالارعا تۇسىنىك بەرۋ ماقساتىندا، جولداۋدا كورسەتىلگەن باستامالاردىڭ تەك قازاقستانعا عانا ەمەس، باسقا دا قازىرگى كەزەڭدەگى جاھاندىق شاقىرۋدىڭ الدىنداعى وتپەلى ەكونوميكاسى بار ەلدەرگە دە ماڭىزدى ەكەنىن باسا ايتتى.

ار اكىمشىلىك سوتىنىڭ توراعاسى ك.ماتەۆوسيان قازاقستانداعى ەلدىڭ ەكونوميكاسىنداعى شاعىن جانە ورتاشا بيزنەستىڭ قۇقىعىنىڭ قورعالۋىنا توقتالدى. ەلدەگى ءجۇرىپ جاتىرعان رەفورمالاردىڭ ىسكە اسۋىن ماڭىزدى دەپ اتاپ، ونىڭ جەكە مەنشىكتەگى قۇقىقتى ساقتاۋىنا، زاڭنىڭ ۇلىلىقتىعى مەن بارلىق ازاماتتاردىڭ زاڭ الدىندا قۇقىعىنىڭ بىردەي ەكەندىگىنە توقتالدى.

ار كونستيتۋتسيالىق سوتىنىڭ وكىلى مەملەكەتتىك قۇرىلىستاعى قازاقستاندىق قادامداردىڭ جۇيەلىلىگىن اتاپ ءوتىپ، ەلدەگى ساياسي رەفورمالاردىڭ جۇرگىزىلۋ پىشىنىنە توقتالىپ، بۇعان قوسا قازاقستان مەن ارمەنيانىڭ كونستيتۋتسيالىق باقىلاۋلار بارىسىندا ءتيىمدى تاجىريبە الماسۋعا دايىن ەكەندىگىن اتاپ ءوتتى.

نەگىزىنەن وسى «دوڭگەلەك ۇستەلگە» قاتىسۋشىلار قازاقستاننىڭ ساياسي جانە ەكونوميكالىق جەتىستىكتەرىنە جوعارعى باعا بەردى.

قاتىسۋشىلارعا ەلشىلىكتىڭ كۇشىمەن ارميان تىلىنە اۋدارىلعان كونستيتۋتسيالىق وزگەرىستەر مەن جولداۋدىڭ كىتاپشاسى، قازاقستان تۋرالى كىتاپتار مەن باسقا دا ماتەريالدار تاراتىلدى.

اباي-اقپارات