الماتى قالاسىنىڭ تۇرعىنى ۆياچەسلاۆ پوپوۆ جارتى جىل ىشىندە قازاق ءتىلىن مەڭگەرىپ، ەركىن سويلەيمىن دەگەن ماقسات قويعان. بۇل جايلى ەر ادام ءوزىنىڭ Facebook پاراقشاسىندا مالىمدەدى دەپ حابارلايدى NUR.KZ. «قازاق ءتىلىن جەكپە-جەككە شاقىرامىن، ناقتىراق ايتسام ءوزىمنىڭ بىلىمسىزدىگىمە. دەكلاراتسيا!

ءوزىمنىڭ قازاق ءتىلىن بىلمەۋىمدى تۇپكىلىكتى جويۋعا شەشىم قابىلدادىم! كسرو كەزىندە تۋىلدىم دەپ اقتالمايمىن، ينتەرناتتا، كەيىننەن مەكتەپتە ناشار وقىتتى دەمەيمىن…

مەنىڭ قازاق ءتىلىن بىلمەۋىم – ول مەنىڭ جاۋاپكەرشىلىگىم! ياعني، جاۋاپكەرشىلىگىمنىڭ جوقتىعى! 

مەن ونى وقىماعان ءوزىم، قاجەت دەپ ساناماي، قيىنسىندىم، قورىقتىم!»،- دەدى ول.

پوپوۆتىڭ سوزىنشە، ول قازاق ءتىلىن جارتى جىلدا مەڭگەرۋگە نيەتتى، بۇل شەشىمدى ول ءبىر كەزدەرى اتا-باباسىن ءوز جەرىنە قابىلداعان حالىققا قۇرمەت رەتىندە جاساماق.

«مەن قازىر وزىمە جانە اينالامداعىلارعا، قازاقستاندا ءومىر سۇرەتىن بارشا قازاقتار مەن ورىستارعا، باسقا دا ۇلت وكىلدەرىنە مىنانى دالەلدەگىم كەلەدى: شىنىمەن ءوز ءداستۇرىڭدى، مادەنيەتىڭدى، حالىقتار دوستىعىن سىيلاساڭ، ءبىر كەزدەرى مەنىڭ ۋكرايندىق جانە ەۆرەيلىك ارعى اتالارىمدى ءوز جەرىندە قابىلداپ، سوناۋ 1927 جىلى تۇركىسىب قۇرىلىسى، كەيىننەن 1941-1945 جىلدارى فاشيزمگە قارسى تىزە بۇگىپ سوعىسقان ەلدى سىيلاساڭ تىلىن ۇيرەنۋگە بولاتىنىن دالەلدەگىم كەلەدى»، – دەيدى ۆياچەسلاۆ. 

«ولار ماعان جانە مەنىڭ وتباسىما، مەنىڭ بالالارىما وسى جەردە ءومىر ءسۇرىپ، بەيبىت عۇمىر كەشۋ مۇمكىندىگىن بەرگەندەرى ءۇشىن قازاق ءتىلىن التى اي ىشىندە ۇيرەنىپ، قازاق  ادەبيەتىن وقي الاتىنداي دەڭگەيگە جەتۋگە ء وزىمدى مىندەتەيمىن!

ءبىز – باۋىرلارمىز! ءبىز – ءبىر قاننانبىز! ءبىز – ءبىر ءىستى بىرگە اتقارۋدامىز!»  – دەپ تۇيىندەدى ءسوزىن ول.

جازبا الەۋمەتتىك جەلىدە ۇلكەن قولداۋعا يە بولدى. كوپتەگەن الماتىلىقتار ءتىل ۇيرەنۋگە قاتىستى ءوز كومەكتەرىن ۇسىنىپ جاتتى.

Abai.kz