بۇل تۋرالى قر ينۆەستيتسيالار جانە ءدامۋ مينيسترى جەڭىس قاسىمبەك فەيسبۋكتەگى پاراقشاسىندا جاريالادى.

“بۇگىن ۇجىمعا قازاقستان رەسپۋبليكاسى ينۆەستيتسيالار جانە دامۋ ءبىرىنشى ۆيتسە-ءمينيسترى بولىپ تاعايىندالعان اليك ايدارباەۆتى تانىستىردىم.

اليك ايدارباەۆ مەملەكەتتىڭ ماڭىزدى سالالارىندا قىزمەت اتقارىپ كەلە جاتقان اسا تاجىريبەلى تۇلعا. ەلباسىنىڭ سەنىمىنە يە بولعان مىقتى ۇيىمداستىرۋشى، ىسكەر باسشى رەتىندە ءوزىن ماڭعىستاۋ وبلىسىنىڭ اكىمى بولىپ تۇرعاندا جانە وعان دەيىنگى قىزمەتتەرىندە جان-جاقتى كورسەتكەن ەدى. ەندىگى رەتتە اليك سەرىكۇلىن تاعى دا ۇلكەن جۇمىستار، جاڭا مىندەتتەر كۇتىپ تۇر.   اسا تاجىريبەلى ماماننىڭ كەلۋىمەن مينيسترلىك جۇمىسى ودان ءارى جاندانىپ، مەملەكەت باسشىسى مەن ۇكىمەت جۇكتەگەن مىندەتتەردى ويداعىداي اتقارامىز دەگەن سەنىمدەمىن” دەيدى مينيستر.

اباي اقپارات