سارجاعالادانا باستاعان ءباسپاسوز بەن الەۋمەتتىك جەلىلىرەدىڭ ترەندىنە اينالىپ ۇلگەرگەن پروديۋسەر، اكتريسا، ءارى تەلەجۇرگىزۋشى – بايان ماقساتقىزىمەن باس قۇراپ جاتقان الاگۋزوۆ تۇرسەنگالي نەكەدەگى قوساعى ليايسارا الاگۋزوۆامەن بۇگىن زاڭدى تۇردە ايرىلىسپاقشى. وسى ارادا كەيىپكەرلەرىمىزدىڭ اتى-ءجونى مەن سويى تۋرالى بىرەر ءسوز. بۇل ءوزى «الاگۋزوۆ» دەگەن قانداي فاميليا؟ «تۇرسەنگالي» دەيتىن قازاقتا ەسىم بار ما؟ جالپى ءوزى الاگۋزوۆىمىز قازاق پا، الدە باسقا ناسىلدەن بە؟ ەگەر قازاق بولسا، ونىڭ اتاسىنىڭ اتى «الاگوز» نەمەسە «الاوگىز» بولۋى مۇمكىن. «تۇرسەنگاليىمىز» «تۇرسىنعالي» شىعار دەپ شامالايمىز. ال، ەندى ليايسارامىز كىم؟ ءلايسارا ما، ءجايسارا ما؟ تۇسىنبەدىك. نىسپىلارى تۇسىنىكسىزدەۋ بۇل ادامداردىڭ تىرلىكتەرىنەن دە ەشتەڭە ءتۇسىنىپ جارىتپايسىز. تۇرسەنگاليدىڭ سوزىنە قاراعاندا،  بىلتىردان بەرى ول ليايسارادان توسەگىن بولەك سالىپ، بىرگە تۇرمايتىن كورىنەدى. قىسقاسى، بايانمەن كوڭىل قوسقان. ليايسارادان تۋعان بالالارى ەر جەتىپ، كامىلەتتتىك جاسقا تولىپ قويىپتى. ەكەۋارا دۇنيە-مۇلىكتى دە ءبولىسىپ العانعا ۇقسايدى. بىراق، ليايسارا الاگوزوۆا زاڭدى تۇردە «اجىراسپايمىن» دەپ، تۇرسەنگالي الاگوزوۆ «اجارىسامىن» دەپ، وتكەن جىلدان بەرى الا وكپە بولىپ ءجۇر. ليايسارا كەلىسىمىن بەرمەگەن سوڭ تۇرسەكەڭ حالىققا قىزمەت كورسەتۋ ورتالىعىنا بارىپ، بۇرىنعى نەكە كۋالىگىنىڭ كوشىرمەسىن جاساتىپ، سوتقا شاعىمدانىپتى.

«14 اقپان كۇنى مەن سوتقا بىرجاقتى ارىز ءتۇسردىم. سوت وتىرىسى 4 كۇننەن سوڭ بولدى. سوت وتىرىسىندا سۋديا ماعان: «ايەلىڭىز تاتۋلاسۋدى سۇرادى، اجىراسقىسى جوق سىزبەن» دەدى. مەن: «جوق، تاتۋلاسۋ، قايتادان قوسىلۋ دەگەن بولمايدى» دەدىم. سودان سوڭ سۋديا: «جاقسى، ەندەشە 9-ناۋرىز كۇنى كەلىڭىز» دەدى»، - دەگەندى ايتىپ وتىر الاگوزوۆ.

Aباي-اقپارات