"مىسالى، 2-3 ايدان بەرى جوگوركۋ كەنەشتە بىتپەيتىن دەپۋتاتتىق كوميسسيا قۇرىلىپ جاتىر، تارتىس باسىلمايدى. پارلامەنت مىنبەرىنەن اتامباەۆتىڭ كيپردە بايلىعى بار، اتامباەۆتىڭ ايەلىنىڭ ەسەپشوتىنداعى اقشا 2011 جىلدان كەيىن پايدا بولعان دەگەن وسەك ايتىلىپ جاتىر. جوگوركۋ كەنەش كۇننەن كۇنگە زاڭ شىعارۋشى ورگانىنان وسەك تاراتاتىن ورگانعا اينالىپ كەلەدى. وتكەن اپتادا باكىت توروباەۆ دەپۋتاتتارعا قايىرىلىپ، ءوزىن-ءوزى تاراتۋدى ۇسىندى. ونىڭ مۇنى توناۋشى اعاسىن قولداپ ايتىپ وتىرعانى راس. بىراق مەن ونىڭ ۇسىنىسىن قولدايمىن" دەگەن اتامباەۆ.

بىشكەك تۇبىندەگى اۋىل ۇستىنە تۇركيا اۋە كومپانياسىنىڭ جۇك تاسىمالدايتىن ۇشاعى اپاتقا ۇشىراپ، قۇلاعان سوڭ پارلامەنتتە وپپوزيتسيالىق فراكتسيا جەتەكشىسى ومۋربەك تەكەباەۆتىڭ ۇسىنىسى بويىنشا ۇشاقتاعى جۇكتىڭ كىمدىكى ەكەنىن انىقتايتىن دەپۋتاتتىق كوميسسيا قۇرىلعان.

رەسمي بيلىك ۇشاقتىڭ بىشكەككە تەحنيكالىق سەبەپپەن قونعانىن مالىمدەگەن. بىراق وپپوزيتسيالىق "اتا مەكەن" فراكتسياسىنىڭ جەتەكشىسى اۋە كومپانياسىنىڭ ۇشاقتىڭ كوممەرتسيالىق ماقساتپەن قوندى دەپ حابارلاعانىنا سىلتەمە جاساپ، بۇعان كۇمان كەلتىرگەن. كوميسسيا جۇمىسىنىڭ قورىتىندىسى ءالى جاريالانعان جوق.

كەيىن تەكەباەۆ كوررۋپتسيالىق قىلمىس جانە الاياقتىق جاسادى دەگەن كۇدىكپەن قامالعان. پارلامەنتتە ونىڭ قامالۋ ماسەلەسىن تالقىلاۋ كەزىندە "ونۋگۋ-پروگرەسس" فراكتسياسىنىڭ جەتەكشىسى باكىت توروباەۆ دەپۋتاتتارعا ەگەر پارلامەنت مۇنداي ماڭىزدى ماسەلەلەردى تالقىلاۋعا قاۋقارسىز بولسا ء"وزىن-ءوزى تاراتۋدى" ۇسىنعان.

Abai.kz