بەيسەنبى, 1 قازان 2020
COVID-19 قازاقستاندا. جۇقتىرعاندار — 107979. جازىلعاندار — 102937. قايتىس بولعاندار — 1725
جاڭالىقتار 2179 0 پىكىر 27 اقپان, 2017 ساعات 08:39

اقش رەسەي مەن جىكشىلدەردى ۋكراينادا ءبىتىم شارتتارىن ساقتاۋعا شاقىردى

قۇراما شتاتتار رەسەيدى ۋكراينانىڭ شىعىسىندا ءبىتىم شارتتارىنا تەز ارادا قايتا ورالۋعا شاقىردى. اقش مەملەكەتتىك دەپارتامەنتىنىڭ حابارلاۋىنشا، دونباسستاعى رەسەيشىل جىكشىلدەر رەسەيلىك اسكەردىڭ قولداۋىمەن حالىقارالىق باقىلاۋشىلارعا بىرنەشە مارتە شابۋىلداعان.

ۋكراينانىڭ شىعىسىندا ەقىۇ-نىڭ ارنايى مونيتورينگ ميسسياسىن اتقىلادى جانە وتكەن جۇمادا جىكشىلدەر ۇشقىشسىز ۇشۋ اپپاراتىن باسىپ الدى. مەملەكەتتىك دەپارتامەنتتەگىلەر جىكشىلدەردى ازاماتتىق ينفراقۇرىلىم نىساندارىن، سونىڭ ىشىندە دونەتسك فيلتر ستانتسياسىن اتقىلاۋدى دوعارۋعا، مينسك كەلىسىمى بويىنشا اۋىر قارۋدى قولدانباۋعا شاقىردى.

وسى اپتادا دونباستاعى جاعداي ۋشىعىپ كەتتى: 24 اقپاندا دونەتسك فيلتر ستانتسياسى جۇمىسىن توقتاتتى، مىڭداعان ادام سۋسىز قالدى. جىكشىلدەردىڭ مالىمدەۋىنشە، ستانتسيانى ۋكراينالىق راديكالدىق ءبولىمنىڭ سودىرلارى باسىپ العان. كيەۆ بۇل شابۋىلعا ءوزىن تاۋەلسىز دەپ جاريالاعان "دونەتسك حالىق رەسپۋبليكاسىن" ايىپتاپ وتىر. جانجالداسۋشى تاراپتار ءبىتىم شارتتارىن بۇزعان.

اباي-اقپارات

0 پىكىر