17 اقپاندا ورتالىق كوممۋنيكاتسيالار قىزمەتىندە قىزىلوردا وبلىسىنىڭ اكىمى قىرىمبەك كوشەرباەۆپەن وتكەن بەيرەسمي كەزدەسۋدە ءبىلىم سالاسىنداعى ماسەلەلەر دە ءسوز بولدى. كوشەرباەۆ ءار مينيستر ءبىلىم سالاسىنا جاڭا رەفورما جاساماي، وزىنە دەيىنگى جاسالعان جۇمىستى جالعاستىرا وتىرىپ، بۇل سالاداعى جۇيەلدى جۇمىستى قامتاماسىز ەتۋ كەرەك دەدى.

«رەسپۋبليكالىق «تامىز كونفەرەنتسياسىندا» تاربيەل تۋرالى ءبىر اۋىز ءسوز ايتىلماعان. مەكتەپ – تاربيەنىڭ بەسىگى. ۇرپاق تاربيەسىنىڭ ۇياسى – مەكتەپ. الايدا، وبلىستىق تامىز كونفەرەنتسياسىن مەكتەپتەگى تاربيە ماسەلەسىنە ارناپ، كەڭىنەن تالقىلادىق» دەدى ايماق باسشىسى.

كوشەرباەۆتىڭ ءبىلىم سالاسىنا قاتىستى سىني پىكىر ايۋتىنىڭ ءمانى بار. ويتكەنى، ول بۇل سالانى جاقسى بىلەدى. 1997-200 جىلدار ارالىعىندا اتالعان سالانى باسقارعان ادام.

ءبىلىم جۇيەسىندەگى كەيبىر ماسەلەلەرگە ءوز ويىن ايتقان كوشەرباەۆ وبلىستاعى ىستەلىپ جاتقان جۇمىستاردى دا ايتۋدى ۇمىتپادى.

اكىمنىڭ سوزىنە قاراعاندا، قىزىلوردا وبلىسى بويىنشا بىلتىر مەكتەپ بىتىرگەن تۇلەكتەردىڭ 97 پايىزى جوعارعى جانە ارناۋلى وقۋ ورىندارىنا تۇسكەن ەكەن. ال، وبلىستاعى ءۇش اۋىسىممەن وقۋ جويىلىپ، ايماق 3-6 جاس ارالىعىنداعى بالالارعا ارنالعان مەكتەپكە دەيىنگى تاربيە بەرۋ مەكەمەلەرىمەن تولىق قامتىلعان. بۇل – جاڭا مەكتەپتەر مەن بالاباقشالاردىڭ سالىنۋ مەن پايدالانۋعا بەرىلۋىنىڭ ناتيجەسى.

بۇل سالاداعى تاعى ءبىر ماسەلە – اپاتتى جاعدايدا تۇرعان مەكتەپتەر. كوشەرباەۆ وبلىسقا اكىم بولىپ كەلگەن كەزدە مۇنداي مەكتەپتەردىڭ سانى – 37 بولعان. 25 مامىر – سوڭعى قوڭىراۋعا دەيىن وسى مەكتەپدىڭ ماسەلەسىن تۇبەگەيلى شەشۋ قولعا الىنعان. 12 اپاتتىق مەكتەپ تۇتاس جوندەلىپ، مەكتەپ بىتىرۋشىلەر جاڭا مەكتەپ شىقپاق. بۇعان بيىل مەكتەپ بىتىرەتىن وقۋىشلاردىڭ اتىنان اكىمگە ايتىلعان ءوتىنىش تە سەبەپكەر بولىپتى. وقۋشىلار التىن ۇيا مەكتەپپەن قوشتاستاردا جاڭا مەكتەپتەن شىقساق دەپ ءوتىنىش بىلدىرگەن ەكەن. اكىم بالالاردىڭ تىلەگىن جەرگە تاستاماي، 25 مامىرعا دەيىن 12 مەكتەپ سۋ جاڭا كۇيگە ەنەتىنىن تاعى ءبىر مارتە ايتتى.

نۇرا ماتاي

Abai.kz