اتاقتى لارا فابيان قازاقستاندىق ءانشى ديماش قۇدايبەرگەنوۆتىڭ داۋىسىنا تاڭعالدى، - دەپ حابارلايدى تengrinews.kzء تىلشىسى. بۇل تۋرالى Instagram جەلىسىندەگى پاراقشاسىندا ديماش قۇدايبەرگەنوۆتىڭ PR-مەنەدجەرى الپامىس شاريموۆ سۇيىنشىلەپ، حابارلادى.

"بۇگىن بىزدە قۋانىشتى جاڭالىق! ديماشتىڭ ءانىن عالامتوردان تىڭداعان اتاقتى ءانشى لارا فابيان ادەمى تىلەكتەرىن ءبىلدىردى. ديماشتىڭ داۋىسىنا تاڭعالىسىن جاسىرماي، كەزدەسۋگە شاقىردى!، - دەپ جازدى شاريموۆ.

سونىمەن قاتار، ديماش قۇدايبەرگەنوۆتىڭ PR-مەنەدجەرى الپامىس شاريموۆ ايگىلى ءانشىنىڭ سازگەرى فلابيەننىڭ لارامەن WhatsApp ارقىلى تىلدەسۋىن جەلىگە جۇكتەگەن. 

فلابيەن: قازاقستاندىق مىنا ءانشى جىگىتتى ەستىپ كوردىڭ بە؟
لارا: يا، تاڭقالارلىق!
فلابيەن: ونىڭ داۋىس مۇمكىندىگىنىڭ كەڭدىگى وتە عاجايىپ!
لارا: ءان ورىنداۋ شەبەرلىگى وتە بيىك دەڭگەيدە! مىقتى داۋىس!
فلابيەن: ونىمەن كەزدەسسەك قالاي بولادى 
لارا: نەگە كەزدەسپەسكە
كەلىسسوزدەر جۇرگىزىلۋدە... P.S. Whats up جازباسى فلابيەننىڭ رۇقساتىمەن جاريالانىپ وتىر!"

لارا فابيان (فرانتسۋز تىلىندە Lara Fabian, شىن تەگى - كروكات) - فرانكو ءتىلدى ءانشى، كانادا ازاماتشاسى. فرانتسۋز، اعىلشىن، نەمىس، يتاليان، يسپان، پورتۋگال، ورىس جانە تاعى دا باسقا تىلدەردەگى اندەردى ورىنداعان. 14 جاسىندا-اق لارا فابيان بريۋسسەل كلۋبتارىندا ونەر كورسەتە باستاپ، كوپتەگەن ەۋروپالىق مۋزىكا سايىستارىنا قاتىسىپ، جەڭىمپاز بولىپ تانىلا باستايدى. 2004 جىلى رەسەيگە كەلىپ، ماسكەۋ حالىقارالىق مۋزىكا ءۇيىنىڭ زالىندا ونەر كورسەتەدى. 2010 جىلى كرەمل سارايىندا لارا فابيان مەن يگور كرۋتويدىڭ "مادمۋازەل جيۆاگو" اتتى كونتسەرتى ءوتتى. لارا فابيان 2011 جىلى قىسقى ازيا ويىندارىنىڭ اشىلۋ سالتاناتىندا استانادا ونەر كورسەتتى.

اباي اقپارات