اڭساعان مۇستافانىڭ سۋرەتى

استانادا قازاق قىزدارىن قالتالى قىتاي جىگىتتەرىمەن تانىستىراتىن نەكە اگەنتتىگى اشىلدى. قىتاي ازاماتتارى قازاق قىزدارىنا قاتتى قىزىعادى.

ينتەرنەت ماتەريالدارىنان

قۇداي!

ەندى قايتەمىن؟

دوسىم مەنىڭ، مىنا دەرتتىڭ ايت ەمىن.

جاڭالىق دەپ جار ساپ جاتىر تەلەارنا،

بولماس، ءسىرا، بۇل قاۋەسەت، ءاي، تەگىن؟

قاراكوزدەر تۇسەر مە ەكەن قۇلدىققا،

امال بار ما، كوزگە شۇقىر شىندىققا؟

ابىرويىن ارەڭ جاپقان الەمدە،

بولادى ەكەن ءدال مىناداي سۇمدىق تا!

وتكەن ءومىر وكپەگىنىڭ ءبارى شىن،

بابام جانىن قۇربان ەتكەن ار ءۇشىن.

قىتايلىققا قىلىعىڭدى قيدىڭ با،

قازاق قىزى!

قايدا كەتكەن نامىسىڭ؟!

مەن ەلىمدى اسقاق شىڭعا تەڭەيمىن،

دەي المايمىن – ار-نامىسقا كەدەيمىن.

... كىساپىردى قيىپ تۇسكەن قىلىش بوپ،

ءتوميريستىڭ ارۋاعىنا نە دەيمىن؟

ەلدەن اسقان سۇلۋ ەدىڭ، شىرايلىم،

ءسىڭىلىسى سەن ەدىڭ عوي كۇن-ايدىڭ.

قىتايلىققا قولجاۋلىق بوپ سەن كەتسەڭ،

اتىن قالاي اۋىزعا الام ۇمايدىڭ؟

كۇندەر قايدا، جىبەكتەيىن ەسىلەر،

شىندىقتى ايتپاي ءتىلىم قالاي كەسىلەر؟

قاراكوزدەر قور بوپ جاتسا قىتايعا،

زەرە مەنەن ۇلجان قالاي كەشىرەر؟

جۇرگەن ەمەن، دابىرادان مايا ساپ،

كۇنىم قايدا، جۇرەتۇعىن ماي اساپ؟

قىتايلىق تۇر، قالتاسىندا قاراجات،

ساناسىندا – سۇرقيالاۋ ساياسات...

قاي قيىرعا باستار ەكەن جول ءالى،

قيىن ەكەن، بۇل اقىلدىڭ شولاعى.

... ەسىمىڭىز ۇزاقتاۋ ەد، اعاتاي،

جيەنىڭنىڭ اتى قىسقا بولادى!..

 ا.تۇسىپبەكوۆا

Abai.kz