قارۋلى وپپوزيتسيا استاناداعى بەيبىت كەلىسسوزگە قاتىسپايدى
سيريادا ءبىتىم ورناعان سياقتى بولىپ كورىنگەنىمەن، داماسك توڭىرەگىندەگى قاقتىعىستار 23 قاڭتاردا استاناداعى بەيبىت كەلىسسوزدەرگە كەدەرگى كەلتىرۋى مۇمكىن. بۇل تۋرالى بەيسەنبى كۇنى بۇۇ-نىڭ سيريا جونىندەگى ارنايى وكىلى ستاففان دە ميستۋرا مالىمدەدى.
ونىڭ ايتۋىنشا، ءبىتىم جاريالانسا دا، ەلدىڭ كەيبىر اۋداندارىنا گۋمانيتارلىق كومەكتى ءالى كۇنگە دەيىن جەتكىزۋ قيىن بولىپ تۇر.
داماسك ماڭىندا سۋمەن قامتۋ جۇيەسى ءۇشىن اتىس ءجۇرىپ جاتىر. سيريالىق اسكەر سۋ ءنارى ورنالاسقان دالاعا باقىلاۋ ورناتۋعا تىرىسىپ كەلەدى. سيريا ۇكىمەتىنىڭ مالىمەتى بويىنشا، ينفراقۇرىلىمنىڭ 70 پايىزى اسكەري قيمىلداردان بۇلىنگەن.
30 جەلتوقساندا كۇشىنە ەنگەن اتىستى دوعارۋ تۋرالى كەلىسىم استاناداعى بەيبىت كەلىسسوزدەرگە نەگىز بولۋى كەرەك. رەسەي ونى تۇركيا جانە يراننىڭ قولداۋىمەن وتكىزگىسى كەلەدى. سيريا پرەزيدەنتى باشار اساد بۇل كەلىسسوزدەردە بارلىق ماسەلەنى تالقىلاۋعا ءازىر ەكەنىن مالىمدەدى. قارۋلى وپپوزيتسيانىڭ ءبىر بولىگى استاناداعى كەزدەسۋدەن باس تارتتى.
نۇرگەلدى ابدىعانيۇلى
اباي-اقپارات
