ادامزاتتىڭ ويلاۋ قابىلەتى، سانالى ءىس-ارەكەتى تىكەلەي ميعا بايلانىستى. سان مىڭ جۇلدىزى ساۋلە شاشقان عارىش پەن مي وزدەرىنىڭ كۇردەلىلىگى جاعىنان ءبىر-بىرىنەن كەم تۇسپەيدى. قابىلەت-قارىمى، مۇمكىندىگىنىڭ شەكسىزدىگىنە بايلانىستى مي عالىمداردىڭ وزدەرىن دە ءالى كۇنگە تاڭعالدىرىپ كەلەدى.

مي ءبىزدىڭ جالپى سالماعىمىزدىڭ بار-جوعى ەكى-اق پايىزىن قۇرايدى. بىراق ونىڭ قان تاراتاتىن مىڭداعان تالشىقتارى اعزامىزداعى وتتەگىنىڭ جيىرما  پايىزىن پايدالانادى. ءتىپتى اش بولعان ءساتىمىزدىڭ وزىندە دە، مي اعزامىزداعى قورەكتىك زاتتاردىڭ كوپتەگەن مولشەرىن تۇتىنادى ەكەن. قاجەتتى مولشەردە تاماقتانباعان بالا سالماعىنىڭ 50 پايىزىن جوعالتسا، ال مي ءوز سالماعىنىڭ تەك 15 پايىزىن عانا  جوعالتادى ەكەن.

مي ەشقاشاندا ۇيىقتامايدى. ءبىز قالىڭ ۇيقىعا باتقاندا ميىمىز تىنىم تابادى دەگەن قاتە پىكىر ەكەن. عالىمداردىڭ ايتۋى بويىنشا كۇندىزگى ۋاقىتتان عورى ءتۇن كەزىندە ميدىڭ جۇمىس ىستەۋ جيىلىگى ارتادى.

ادام ءبىلىمپاز بولعان سايىن ونىڭ اۋرۋعا شالدىعۋ مۇمكىندىگى ازايا تۇسەدى. ينتەللەكتۋالدى بەلسەندىلىك، اۋرۋ تكاندەردىنىڭ ورنىن باساتىن، قوسىمشا تكاندەردىڭ بولىنۋىنە ات سالىسادى.

وسى كۇنگە دەيىن ىستەپ كورمەگەن جۇمىستارمەن شۇعىلدانۋ – ميدىڭ دامۋىنا اسەر ەتەتىن ەڭ جاقسى ءتاسىل. وزىڭىزدەن ينتتەلەكت بويىنشا اسىپ تۇسەتىن اداممەن اڭگىمەلەسۋ دە ميدىڭ وسۋىنە كوپ ىقپالىن تيگىزەدى.

ۇنەمى قۇدايعا سىيىنۋ – دەم الۋ جيىلىگىن كەمىتىپ، اعزانىڭ ءوز-ءوزىن ەمدەۋگە كومەكتەسەتىن ميدىڭ تولقۋىن باسەڭدەتەدى. دارىگەرگە ءدىندار ادامدار باسقالارعا قاراعاندا 36%-عا سيرەك بارادى ەكەن.

 ميعا ايەلدەردىڭ اڭگىمەسىنەن گورى ەركەكتەردىڭ اڭگىمەسىن  قابىلدۋ جەڭىلىرەك كەلەدى ەكەن. سەبەبى ادام داۋىسى ميدىڭ  ءار بولىگىنە ءار ءتۇرلى اسەر ەتەدى. ايەلدەردىڭ داۋىسى جىڭىشكە، باياۋ ءارى اۋەزدى تۇردە شىققاندىقتان  ونى ءتۇسىنۋ ءۇشىن مي ءوزىنىڭ قوسىمشا رەسۋرستارىن پايدالانادى .

مي دەنەدەن  كەش ويانادى. ادام ەرتە ويانا سالىپ جۇمىس ىستەگەنمەن ميىنىڭ جۇمىس ىستەۋ كورسەتكىشى تومەن بولادى. سوندىقتان دا دەنە بۇلشىق ەتتەرىنە پايدالى تاڭعى جاتتىعۋلاردان بولەك ميدى دا جاتتىقتىرۋ قاجەت. مىسالعا ويانا سالىپ تەلەديدار كورگەننەن گازەت جۋرنال وقىپ، كروسسۆورد شەشكەن مي ءۇشىن  پايدالى ەكەن.

ەر ادامداردىڭ ميى ايەلدەرگە قاراعاندا ۇلكەن. سونداي –اق عالىمداردىڭ انىقتاۋىنشا اۋىرۋ سەزىمدەرىن ەركەكتەر مەن ايەلدەردىڭ ميى ءارتۇرلى قابىلدايدى ەكەن.

ءۇش جاسار بالادا جۇيكە جاسۋشالارى ەرەسەك ادامعا قاراعاندا 3 ەسە كوپ. ەگەر ءسابيدىڭ مۇمكىندىگىن تولىعىمەن پايدالانباسا ، جاسى كەلە پايدالانىلماعان جاسۋشالار ولەدى. سوندىقتان ەرتە كەزدەن باستاپ بالالاردى بەلسەندى تۇردە وقۋعا ۇيرەتۋ كەرەك.

ادام ميى 75% سۋدان تۇرادى. ونىڭ قالىپتى جۇمىس ىستەۋى ءۇشىن اعزا سۋدى جەتكىلىكتى مولشەردە قابىلداۋى كەرەك. الكوگولدى ىشىمدىكتەردى ىشكەن كەزدە نەيروندار اراسىندا بايلانىس السىرەيدى.

دايىنداعان بيبىگۇل جانداربەكقىزى